Buxoroda Frantsuz madaniyati oyligi boʻlib oʻtadi. Dastur

Buxoroda Frantsuz madaniyati oyligi boʻlib oʻtadi. Dastur

2 oktyabrdan 31 oktyabrgacha Buxoroda Frantsiyaning Oʻzbekistondagi elchixonasi tashabbusi bilan Frantsuz madaniyati oyligi boʻlib oʻtadi. Dasturda — kontsertlar, xoreografik spektakl, koʻrgazma, frantsuz kinosi festivali va sunʼiy intellekt qoʻllanilgan raqamli art-loyiha oʻrin olgan.

Tadbirlar shaharning tarixiy maydonlarida, jumladan, Poyi Kalon, Ark va Sitorai Mohi-Xosa saroyida boʻlib oʻtadi. Tashkilotchilar dasturning alohida boʻlimini madaniy merosni saqlash va qayta tiklashga bagʻishladilar — Oʻzbekiston va Frantsiya mutaxassislari maʼruzalar va amaliy uchrashuvlar oʻtkazadilar.

Frantsuz madaniyati oyligi viloyat va shahar hokimliklari, Buxoro turizm boshqarmasi, Oʻzbekiston Madaniyat va sanʼatni rivojlantirish jamgʻarmasi, shuningdek, Buxoro filarmoniyasi, «Isteza» madaniyat markazi va bir qator oliy oʻquv yurtlari tomonidan qoʻllab-quvvatlandi.

2 oktyabr, soat 16:00 atrofida —

Frantsuz pianinochisi Kristina Fonlyuptning talabalar va yosh musiqachilar uchun mahorat darsi.

Oʻtkazilish joyi — Buxoro davlat universiteti.

3−31 oktyabr —

Diana Xamzinaning «Provans va impressionizm nurida» koʻrgazmasining ochilishi.

Oʻtkazilish joyi — Sitorai Mohi-Xosa saroyi, haram binosi.

3 oktyabr, 16:00

— Beau Geste raqs truppasining «Noodatiy harakatlar» xoreografik spektakli.

Oʻtkazilish joyi — Ark maydoni.

3 oktyabr, 19:00

— Kristina Fonlyuptning Kuperen, Shopen, Frank, Debyussi, Mel Bonis va Fazil Say asarlaridan iborat fortepiano kontserti.

Oʻtkazilish joyi — Poyi Kalon maydoni.

4 oktyabr,

vaqti qoʻshimcha ravishda eʼlon qilinadi — Beau Geste truppasining «Noodatiy harakatlar» spektaklining ikkinchi namoyishi.

Oʻtkazilish joyi — Ark maydoni.

5−9 oktyabr,

alohida jadval boʻyicha — Madaniy merosni saqlash, oʻrganish va qayta tiklash kabi mavzularda frantsuz va oʻzbek mutaxassislari ishtirokidagi maʼruzalar, amaliy uchrashuvlar va tajriba almashish turkumi.

Oʻtkazilish joylari — Buxoroning universitetlari, madaniyat muassasalari va tarixiy obʼyektlari.

12−17 oktyabr —

Oltita film namoyishidan iborat Frantsuz kinosi festivali.

Oʻtkazilish joyi — Buxoro davlat pedagogika institutining ochiq maydoni.

23−25 oktyabr —

Painting Mirror raqamli art-loyihasi. Maksim Turut va Remi Dyupanlup frantsuz tasviriy sanʼati, grafikasi, strit-arti va sunʼiy intellektni birlashtirgan devoriy proyektsiyalarni taqdim etadilar.

Oʻtkazilish joyi — Buxoroning tarixiy markazi.

24 oktyabr —

Klarnetchi Kristof Dravers va pianinochi Paskal Romano ishtirokidagi kontsert.

Oʻtkazilish joyi — Koʻkaldosh madrasasi.

Dasturda oʻzgarishlar boʻlishi mumkin.