Botkin qabristonida qurilish ishlari chogʻida qabrtoshlariga zarar yetkazildi. Ularni qayta tiklashga vaʼda berishdi
Toshkentdagi Botkin qabristonida qurilish ishlari vaqtida devor qulashi oqibatida qabrtashlar shikastlandi. Hokimiyat aybdorlar javobgarlikka tortilishini maʼlum qildi. Qabrtashlar hafta oxirigacha qayta tiklanishi kerak.
Botkin qabristonida qurilish ishlari davomida qabr toshlariga shikast yetkazildi. Ularni qayta tiklashga vaʼda berildi.
Toshkentdagi Botkin qabristonida qurilish ishlari vaqtida qabr toshlariga shikast yetkazildi. Ijtimoiy tarmoqlarda hodisa 18 oktyabrdayoq yuz bergan boʻlishi mumkinligi, baʼzi videolar esa 21 oktyabrda olingani haqida xabarlar paydo boʻldi.
Toshkent shahar hokimligi oʻz bayonotida sobiq shampun vinolari zavodi hududida olib borilgan qurilish ishlari vaqtida obʼyektni qabristondan ajratib turgan devor qulab tushganini tasdiqladi. Natijada 15-sektorning oxirgi qatoridagi bir nechta qabr toshlariga shikast yetgan. Qabrlar ochilmagan.
«Toshkent shahar hokimligi va Shahar obodonlashtirish bosh boshqarmasi vaziyatni nazoratga oldi. Qoidabuzarliklar bilan olib borilayotgan qurilish ishlari toʻxtatildi, masʼul shaxslar aniqlandi. Soʻdir boʻlgan hodisa holatlari va masʼullarning xatti-harakatlariga huquqiy baho beriladi. Aybdorlar belgilangan tartibda javobgarlikka tortiladi», — deyiladi bayonotda.
«Biz yaqinlarining ogʻrigʻi va noroziligini tushunamiz. Marhumlar xotirasiga va ularning yaqinlari tuygʻulariga hurmat soʻzsiz boʻlishi kerak», — deya qayd etdi administratsiya.
Buyurtmachi va pudratchi tashkilotga shikast yetkazilgan qabr toshlarini hafta oxirigacha qayta tiklash majburiyati yuklandi.