Bolalar ombudsmani Angrendagi vaqtinchalik saqlash hibsxonasini tekshirdi

Bolalar ombudsmani Angren shahridagi vaqtincha saqlash hibsxonasini tekshirdi

Bolalar ombudsmani Toshkent viloyati Angren shahar IIB vaqtincha saqlash hibsxonasida monitoring oʻrganishini oʻtkazdi. Tekshiruv vaqtida muassasada voyaga yetmagan shaxslar yoʻq edi.

Inspektsiya davomida voyaga yetmaganlarni saqlash uchun moʻljallangan kameralardagi sharoitlar, jumladan, yotoq joylarining holati, ovqatlanishni tashkil etish, sanitariya-gigiyena normalariga muvofiqligi va tibbiy yordam koʻrsatish tartibi oʻrganildi. Muassasa 51 kishiga moʻljallangan boʻlib, unda voyaga yetmaganlar uchun alohida kamera ajratilgan. Tekshiruv yakunlariga koʻra, asosiy sharoitlar minimal standartlarga javob berishi aniqlandi, biroq qator kamchiliklar ham qayd etildi.

Xususan, tibbiyot xonasidagi dori-darmonlar zaxirasini toʻldirish, muassasani tibbiyot xodimi bilan taʼminlash va foydalanilayotgan yotoq anjomlari toʻplamlarini yangilash zarurligi taʼkidlandi.

Bundan tashqari, kutubxona fondini yangilash va voyaga yetmaganlarning qarindoshlari bilan uchrashishi uchun alohida xona ajratish ehtiyoji qayd etildi. Monitoring natijalari boʻyicha Bolalar ombudsmani muassasa rahbariyatiga voyaga yetmaganlar huquqlarini taʼminlash yuzasidan tavsiyalar yubordi.