BMT: har yili 12 milliondan ortiq qiz 18 yoshga toʻlmasdan turmushga chiqadi
BMT maʼlumotlariga koʻra, har yili 12 milliondan ortiq qiz 18 yoshga toʻlmasdan turmushga chiqadi. Tashkilot bosh kotibi ularning huquqlari himoyasini kuchaytirishga va taʼlim olish imkoniyatlarini kengaytirishga chaqirdi. Dunyoda har uch soniyada bitta bolalar nikohi tuziladi. Har yili 12 milliondan ortiq qiz 18 yoshga toʻlmasdan turmushga chiqadi, dedi BMT bosh kotibi Antoniu Guterrish 11 oktyabr — Xalqaro qizlar kuni munosabati bilan. BMT maʼlumotlariga koʻra, barvaqt nikohlar qizlarni taʼlim olish imkoniyatlaridan mahrum qiladi hamda ularning sogʻligʻi va xavfsizligiga tahdid soladi. Guterrish muammoning asosiy sabablaridan biri sifatida […] nomini tilga oldi
BMT: har yili 12 milliondan ortiq qiz 18 yoshga toʻlmasdan turmush quradi
BMT maʼlumotlariga koʻra, har yili 12 milliondan ortiq qiz 18 yoshga yetmasdan erga tegadi. Tashkilot bosh kotibi ularning huquqlari himoyasini kuchaytirishga va taʼlim olish imkoniyatlarini kengaytirishga chaqirdi.
BMT bosh kotibi Antoniu Guterrish 11 oktyabr — Xalqaro qizlar kuni munosabati bilan bayonot berishicha, dunyoda har uch soniyada bitta bolalar nikohi tuziladi. Har yili 12 milliondan ortiq qiz 18 yoshga toʻlmasdan turmush quradi.
BMT maʼlumotlariga koʻra, erta nikohlar qizlarni taʼlim olish imkoniyatidan mahrum qiladi hamda ularning sogʻligʻi va xavfsizligini xavf ostiga qoʻyadi. Guterrish bu muammoning asosiy sabablaridan biri sifatida qashshoqlikni aytib oʻtdi. Qurolli mojarolar, iqlim inqirozlari va majburiy koʻchish paytida ham xavf ortadi.
Soʻnggi 25 yil ichida taʼlim, ijtimoiy himoya va oilalarni qoʻllab-quvvatlash evaziga 68 millionga yaqin bolalar nikohining oldi olindi. Biroq moliyalashtirishning qisqarishi ushbu progressga tahdid solmoqda. Hozirgi surʼatlarda bolalar nikohiga barham berish uchun yuzlab yillar talab qilinishi mumkin.
BMT bosh kotibi hukumatlarni, biznesni va jamoat tashkilotlarini qizlar taʼlimiga, oilalarni qoʻllab-quvvatlashga va bolalar huquqlarini himoya qilishga investitsiyalarni koʻpaytirishga chaqirdi.
Bu yil Xalqaro qizlar kuni «Bolalar nikohiga chek qoʻyaylik va qizlar huquqlariga sarmoya kiritaylik» shiori ostida oʻtdi.