«Birgalikda. Oila uchun»: Chery foydalanuvchilarining Xalqaro sammiti 2026 butun dunyodan ishtirokchilarni birlashtiradi
19-24 oktyabr kunlari Xitoydagi Chery brendining bosh qarorgohida Chery xalqaro foydalanuvchilar sammiti 2026 (Chery International User Summit 2026) boʻlib oʻtadi. Tadbirning bosh mavzusi «Birgalikda. Oila uchun» (Together. For Family) deb nomlanadi. Dasturdan ilgʻor texnologiyalar va yangi mahsulotlar taqdimoti, shuningdek, oilaviy harakatchanlik va kundalik qulaylikka bagʻishlangan interaktiv hududlar oʻrin olgan.
«Birgalikda. Oila uchun»: Chery foydalanuvchilarining 2026 yilgi Xalqaro sammiti butun dunyodan ishtirokchilarni birlashtiradi
Oilaviy krossoverlar va elektrlashtirilgan avtomobillar mahalliy modellar qatorida tobora sezilarli oʻrin egallayotgan Oʻzbekiston kabi bozorlardagi Chery avtomobillari egalari uchun ushbu sammit brend turli mamlakatlardagi oilalarning real ehtiyojlarini hisobga olgan holda qanday mahsulot va texnologiyalar yaratayotgani haqida batafsil maʼlumot olish imkoniyatini beradi.
2025 yildagi Xalqaro foydalanuvchilar sammitida Chery CSH (Chery Super Hybrid) gibrid texnologiyalari, xavfsizlik, intellektual mobillik sohasidagi yutuqlarini namoyish etdi va yangi modellarni taqdim etdi. 2026 yilda asosiy eʼtibor avtomobildan oila tomonidan foydalanishning real stsenariylariga qaratiladi: mehmonlarga intellektual parkovka imkoniyatlari, xavfsizlik tizimlarining krash-testlari va salon ichki makonining ergonomikasi koʻrsatiladi.
Sammit dasturidan, shuningdek, maxsus tayyorlangan maydonchalarda ham, yoʻlsizlik sharoitlarida ham turli modellarning keng koʻlamli test-drayvlari oʻrin oladi. Bu ishtirokchilarga avtomobillarning boshqaruvchanligi, qulayligi va harakatlanish xususiyatlarini turli xil yoʻl qoplamalarida shaxsan baholash imkonini beradi.
CHERY SIVP (Super Intelligent Valet Parking — Super-intellektual parkovka) tizimining namoyishi kundalik vaziyatlarni, masalan, xaridlar uchun borishni yoki yoʻlovchilarni tushirish va chiqarishni qayta jonlantiradi.
Avtomobillardan ham kundalik shahar safarlari, ham uzoq masofali oilaviy sayohatlar uchun faol foydalaniladigan Oʻzbekiston bozori uchun xavfsizlik, keng salon va gibrid samaradorligi kabi parametrlar birlamchi ahamiyatga ega.
Sammitda foydalanuvchilarning jalb etilishiga alohida eʼtibor qaratiladi. Oilaviy teatr formatidagi maxsus CHERY Brand Night tadbiri davomida turli mamlakatlardagi oilalarning shahar hayoti, mobillikka boʻlgan oʻzgaruvchan ehtiyojlar va birgalikdagi sayohatlarga bagʻishlangan real voqealari namoyish etiladi. Bundan tashqari, sammit doirasida yangi modellarning jahon premyeralari boʻlib oʻtadi.
Global Happiness Family kampaniyasi doirasida tanlab olingan oilalar turli mamlakatlardan kelgan KOC (fikrlarning asosiy yetakchilari) vakillari bilan birgalikda maxsus forumda ishtirok etadilar. U avtomobillarga egalik qilishning real tajribasi bilan oʻrtoqlashish va shinam oilaviy hayot uchun kelajakdagi mahsulotlar qanday boʻlishi kerakligini muhokama qilish uchun yaxshi maydonchaga aylanadi.