Binance Qozogʻistonda MDH boʻyicha hisob-kitoblar xabini tashkil etishga kelishib oldi
Binance Investments Co. kriptobirjasi Qozogʻiston Milliy banki bilan hamkorlikda mamlakatda xab tashkil etadi
Binance Qozogʻistonda MDH boʻyicha hisob-kitoblar xabini tashkil etishga kelishib oldi
Binance Investments Co. kriptobirjasi Qozogʻiston Milliy banki bilan hamkorlikda mamlakatda MDH boʻyicha hisob-kitoblar xabini ochadi. Bu haqdagi tegishli oʻzaro tushunish memorandumini tomonlar imzoladilar, deya xabar berdi regulyator matbuot xizmati.
Imzolash marosimida Milliy bank raisi Timur Suleymenov va Binance asoschisi Chanpen Chjao ishtirok etdi. Loyiha shartlariga koʻra, kriptobirja Qozogʻistonda guruh vakolatxonasini tashkil etadi va Milliy bankdan birinchi toifadagi toʻlov tashkiloti maqomida faoliyat yuritish uchun litsenziya oladi.
Regulyatorning qayd etishicha, ushbu loyiha Binance operatsiyalarining bir qismini Qozogʻistonga koʻchirish va mamlakat orqali MDH hamda Sharqiy Yevropadan kelgan mijozlarning sezilarli qismiga xizmat koʻrsatish imkonini beradi. Milliy bank bu xalqaro texnologik kompetentsiyalarni jalb qilishga va mamlakatning raqamli moliyaviy xizmatlar eksporti sohasidagi salohiyatini ochishga yordam beradi, deb hisoblaydi.
Regulyator ushbu yoʻnalishning rivojlanishi raqamli moliyaviy aktivlar aylanmasini tartibga solish islohoti va moliya bozorining yangi subʼyekti — birinchi toifadagi toʻlov tashkiloti paydo boʻlganidan keyin imkonli boʻlganini eslatib oʻtdi. Xususan, oʻzgarishlar bank xizmatlari bilan bir qatorda toʻlov va moliyaviy xizmatlarning yangi turlaridan foydalanishga ruxsat beradi. Binance yangi tartibga solish doirasida loyihani boshlagan birinchi global kompaniyalardan biri boʻldi.