Bet365 340 ta ish oʻrni qisqartirilishi rejalashtirilayotganini eʼlon qildi
Kompaniya «yuqori raqobatbardosh savdo muhiti» va xarajatlarning ortishiga duch kelayotganini aytmoqda.
Bet365 340 ta ish oʻrni qisqartirilishi rejalashtirilayotganini eʼlon qildi
Kompaniyaning maʼlum qilishicha, ish oʻrinlari uning Stok-on-Trentdagi bosh qarorgohida, shuningdek, Malta va Gibraltarda qisqartiriladi
bet365 qimor oʻyinlari kompaniyasi biznesni qayta tashkil etish doirasida 340 nafar xodimni qisqartirishni rejalashtirayotganini maʼlum qildi.
Qayd etilishicha, ish oʻrinlari uning Stok-on-Trentdagi bosh qarorgohida hamda Malta va Gibraltardagi ofislarida qisqartiriladi.
Kompaniya "yuqori raqobatbardosh savdo muhiti, shuningdek, tartibga solish va soliq bilan bogʻliq xarajatlarning oshishiga duch kelganini" va bu oʻzgarishlar "biznesning uzoq muddatli kelajagini taʼminlashga" qaratilganini bildirdi.
Ish oʻrinlarining qisqartirilishi ishchi kuchining taxminan 3 foizini tashkil qiladi, deyiladi xabarda.
Shuningdek, kompaniya "ishdan boʻshatishlar sonini kamaytirish uchun barcha yoʻllarni izlashini" va ixtiyoriy ravishda ishdan boʻshash dasturini taklif qilayotganini maʼlum qildi.
Kompaniya vakili shunday dedi: "Hamkasblarimiz bizning ustuvor vazifamizdir. Biz koʻpchilikning xavotirlarini tushunamiz. Bundan zarar koʻrgan xodimlar xabardor qilindi va ushbu jarayon davomida toʻliq qoʻllab-quvvatlanmoqda".
Hozirda bet365 kompaniyasining Stok-on-Trentdagi bosh qarorgohida 5500 ga yaqin xodim ishlaydi.