“Bavariya” “Borussiya Dortmund”ni mag‘lub etib Germaniya Superkubogini qo‘lga kiritdi

"Bavariya" Germaniya Superkubogini qo'lga kiritdi, "Borussiya Dortmund"ni mag'lub etdi

Dortmundning "Borussiya" va Myunxenning "Bavariya" jamoalari o'rtasidagi 2026-yilgi Germaniya Superkubogi bahsi yakunlandi. "Signal Iduna Park" stadionida bo'lib o'tgan o'yinda Myunxen klubi 2:1 hisobida g'alaba qozondi.

Uchrashuvning 28-daqiqasida "Bavariya" himoyachisi Natanyel Braun hisobni ochdi. Jamoa vingeri Maykl Olise 45+1-daqiqada jamoasining ustunligini ikkitaga oshirdi. 75-daqiqada "Borussiya" hujumchisi Fabio Silva hisobni qisqartirdi. Shu tariqa, uchrashuv mehmonlarning 2:1 hisobidagi g'alabasi bilan yakunlandi va "Bavariya" o'z tarixida 12-bor Germaniya Superkubogini qo'lga kiritdi.

90-daqiqada dortmundliklar himoyachisi Rami Bensebaini qizil kartochka oldi va maydondan chetlatildi.

O'tgan mavsum yakunlariga ko'ra, "Bavariya" 89 ochko jamg'arib, Germaniya chempioni bo'ldi. Shuningdek, myunxenliklar Germaniya Kubogini ham qo'lga kiritdi. Dortmundning "Borussiya"si esa mamlakat vitse-chempioni sifatida Superkubokda ishtirok etdi.

Eslatib o'tamiz, 2025-yilgi Germaniya Superkubogini ham "Bavariya" qo'lga kiritgan. Myunxen klubi o'sha bahsda "Shtutgart"ni 2:1 hisobida mag'lub etgan.