AQŞ iqtisodiyoti beş yirik davlatnikini qöşgandan ham katta
Xalqaro valyuta jamğarmasining 2026-yil oktabrdagi prognozlariga asoslangan infografikada jahon iqtisodiyoti hajmi qariyb 128 trillion dollar deb körsatilgan. AQŞ 32,64 trillion dollarlik nominal yalpi içki mahsulot bilan birinçi, Xitoy esa 21,55 trillion dollar bilan ikkinçi örinda turibdi.
AQŞ iqtisodiyoti besh yirik davlatnikidan ham kattaroq
AQŞ va Xitoyning qolgan davlatlardan farqi juda katta
AQŞ hissasiga jahon YaIMining taxminan choragi to‘g‘ri keladi. Uning iqtisodiyoti hajmi Germaniya, Yaponiya, Buyuk Britaniya, Hindiston va Fransiyaning jami ko‘rsatkichidan ham yuqori.
Ikkinchi o‘rindagi Xitoy iqtisodiyoti esa reytingda uchinchi bo‘lgan Germaniyanikidan to‘rt baravardan ziyod katta.
Osiyoda Xitoy va Yaponiyadan tashqari ham yirik iqtisodiyotlar bor. Jumladan, prognozda:
Hindiston YaIMi - 4,06 trillion dollar;
Janubiy Koreyaniki - 2,25 trillion dollar;
Indoneziyaniki - 1,48 trillion dollar deb baholangan.
Hindiston va Indoneziya ulkan isteʼmol bozorlari bilan ajralib tursa, Janubiy Koreya kuchli sanoat bazasiga ega.
Braziliyaning 2,65 trillion dollarlik iqtisodiyoti Janubiy Amerika umumiy ko‘rsatkichining qariyb yarmini tashkil etadi. Avstraliya esa 2,11 trillion dollarlik YAIM bilan Okeaniya iqtisodiyotining asosiy qismini shakllantiradi.
AQŞda sunʼiy intellektga sarmoyalar o‘sishni rag‘batlantirmoqda
AQŞda sunʼiy intellekt sohasiga investitsiyalar ko‘payishi serverlar, dasturiy taʼminot, maʼlumotlarni qayta ishlash markazlari va energetika infratuzilmasiga talabni oshirmoqda.
Ilg‘or sunʼiy intellekt modellarini o‘qitish va ishlatish katta hisoblash quvvatlarini talab qiladi. Bu tegishli uskunalarni ishlab chiqaruvchi va infratuzilma qurayotgan kompaniyalar uchun yangi imkoniyatlar yaratmoqda.
Isteʼmol xarajatlari ham iqtisodiy o‘sishni qo‘llab-quvvatlamoqda. Keltirilgan maʼlumotlarga ko‘ra, 2026-yilning ikkinchi choragida AQŞ iqtisodiyoti inflyatsiya hisobga olingan va yillik surʼatga keltirilgan hisobda 2,2 foiz o‘sgan. Bunda uy xo‘jaliklari xarajatlari, investitsiyalar va eksport hissa qo‘shgan.