AQSh Xitatoy bilan texnologiya sohasidagi keskinlik davom etayotgan bir paytda DeepSeek AI’dan hukumatda foydalanishni taqiqladi

Xitoy bilan texnologiya sohasidagi keskinlik davom etar ekan, AQSh DeepSeek AI'dan hukumatda foydalanishni taqiqladi

AQSh Xitoyning DeepSeek kompaniyasiga tegishli barcha sunʼiy intellekt (SI) texnologiyalarini koʻpchilik davlat tizimlaridan olib tashlashni buyurdi.

Ichki xavfsizlik vazirligi (DHS) fuqarolik davlat agentliklarida DeepSeek'dan, shuningdek, uning SI modellari yordamida ishlab chiqilgan har qanday texnologiyadan foydalanishni toʻliq taqiqladi.

Kuchli ochiq manbali SI modeli sifatida — yaʼni undan foydalanish bepul va arzonroq — DeepSeek SI texnologiyalari boʻyicha davom etayotgan poygada qoidalarni oʻzgartiruvchi ishtirokchi sifatida koʻrilmoqda.

DHS bildirishnomasida DeepSeek bilan bogʻliq muayyan xavfsizlik xavotirlari ochiqlanmagan boʻlsa-da, Oq uy shu yil Xitoyning SI kompaniyalarini tanqid qilgan edi.

Izoh olish uchun DHS, DeepSeek va Xitoyning Vashingtondagi elchixonasiga murojaat qilindi.

DHS buyruqni dushanba kuni oshkor qildi, garchi taqiq iyul oyi oxiridayoq kuchga kirgan boʻlsa-da.

Farmoyish fuqarolik agentliklariga, jumladan, Moliya vazirligi, Davlat departamenti va Yustitsiya vazirligiga tatbiq etiladi. Mudofaa vazirligi tarkibidagi agentliklar bunga kiritilmagan.

Taqiq Tramp maʼmuriyati va AQSh kompaniyalari tomonidan Xitoy SI'si tanqid qilinganidan keyin joriy etildi.

Oq uyning texnologiyalar boʻyicha rahbari Maykl Kratsios shu yil boshida ichki esdalik xatida Amerika SI firmalaridan "gʻarazli maqsadlarda foydalanish" asosan Xitoydagi raqobatchi kompaniyalar tomonidan amalga oshirilganini yozgan edi.

Yaqin oylarda aktsiyalarini ochiq sotuvga chiqarishi kutilayotgan Anthropic va OpenAI kompaniyalari ham oʻz SI modellari baʼzi Xitoy SI firmalari, jumladan DeepSeek tomonidan amalda nusxalanganini maʼlum qilgan.

AQSh prezidenti Donald Tramp Xitoyni mamlakat kelajagi uchun muhim deb hisoblaydigan SI ishlab chiqish sohasida AQShning asosiy raqobatchisi sifatida koʻrishini ochiq-oshikor bildirgan.

DeepSeek 2025 yilda ilk bor ommaga taqdim etilganidan beri uning ommabopligi keskin oshdi, uning modellariga boʻlgan talab shunchalik yuqoriki, kompaniya serverlari vaqti-vaqti bilan ishlamay qolmoqda.

DeepSeek'ning bepul chat-bot ilovasi Apple App Store reytingida eng koʻp yuklab olingan ilovalar qatorida boʻlsa-da, uning SI modellaridan AQSh texnologiya kompaniyalari ham foydalanmoqda. Snowflake, Vercel va OpenRouter kabi firmalarning barchasi mijozlarga taklif etadigan mahsulotlariga DeepSeek'ni kiritgan.

Startaplar DeepSeek kabi ochiq manbali modellarga qiziqish bildirmoqda.

Texnologiya yoki SI ishlab chiquvchisi uchun oʻz ishida DeepSeek'dan foydalanish Google'нинг Gemini, Anthropic'нинг Claude ёки OpenAI'ning Codex kabi yopiq modellariga qaraganda bir necha baravar arzonga tushadi.

Xuddi shuningdek, DeepSeek oʻz modellarini yaratish uchun sarflagan xarajatlar AQSh SI kompaniyalari oʻz modellarini ishlab chiqishga sarflagan mablagʻdan sezilarli darajada kam boʻlgan.

Oʻtgan yili DeepSeek oʻz modelining birinchi versiyasini oʻqitish uchun taxminan 6 million dollar (4,5 million funt sterling) sarflanganini aytgan edi, OpenAI'ning GPT-4 modeli bilan bogʻliq xarajatlar esa qariyb 100 million dollarni tashkil etgan. Ushbu maʼlumotlarning oshkor qilinishi texnologik aktsiyalarning tushib ketishiga olib keldi.

DeepSeek'ning eng soʻnggi versiyasi oʻtgan hafta ishga tushirildi. Model foydalanuvchilari tarmoqda uni maqtab, u kompyuter dasturiy taʼminoti kodini yozish kabi SI tizimlari uchun odatiy vazifalarda hatto OpenAI'ning eng ilgʻor SI vositalaridan ham oʻzib ketishini aytmoqdalar.