AQSh Oliy sudi Tramp maʼmuriyatiga migrantlarni uchinchi mamlakatlarga deportatsiya qilishni qayta boshlashga ruxsat berdi

AQSh Oliy sudi Tramp maʼmuriyatiga migrantlarni uchinchi mamlakatlarga deportatsiya qilishni qayta boshlashga ruxsat berdi

AQSh Oliy sudi prezident Donald Tramp maʼmuriyatiga migrantlarni inson huquqlari bilan bogʻliq asoslarga koʻra deportatsiya ustidan shikoyat qilish imkoniyatini bermasdan, ularni yana uchinchi mamlakatlarga chiqarib yuborishga ruxsat berdi, deb xabar qilmoqda

Sud ushbu tartibning qonuniyligi boʻyicha hali yakuniy qaror qabul qilgani yoʻq. Ish boʻyicha batafsil tinglovlar dekabr oyiga belgilangan, sud esa oʻz hukmini 2027 yilning iyuligacha eʼlon qilishni rejalashtirmoqda.

Ushbu amaliyotni Tramp maʼmuriyati oʻtgan yili immigratsiya siyosatini kuchaytirish doirasida joriy etgan edi. AQSh migrantlar kelib chiqqan mamlakatlar ularni qabul qilishdan bosh tortgan vaziyatlarga duch kelgan. Bunday hollarda Tramp migrantlarni, hatto ular bilan hech qanday aloqasi boʻlmasa ham, uchinchi mamlakatlarga deportatsiya qilishni taklif etgan.

CNN maʼlumotlariga koʻra, ushbu dastur doirasida allaqachon 25 mingga yaqin migrant deportatsiya qilingan.

2025 yilning fevralida AQSh bir nechta Osiyo davlatlari, jumladan, Oʻzbekistondan kelgan migrantlarni Kosta-Rika va Panamaga deportatsiya qilgani xabar qilingan edi.