Afgʻoniston Oʻzbekistonga amalga oshirilgan xizmat safarlarining asosiy manbaiga aylandi
2026 yilning yanvar–sentyabr oylarida Oʻzbekistonga tijorat maqsadlarida 357,5 ming nafar chet el fuqarosi tashrif buyurdi — bu oʻtgan yilning shu davriga nisbatan 10,8 foizga koʻpdir.
Afgʻoniston Oʻzbekistonga xizmat safarlarining asosiy manbaiga aylandi
2026 yilning yanvar–sentyabr oylarida Oʻzbekistonga tijorat maqsadlarida 357,5 ming nafar xorij fuqarosi tashrif buyurdi. Oʻtgan yilning shu davriga nisbatan ushbu koʻrsatkich 34,8 ming kishiga yoki 10,8 foizga oshdi. Bu haqda Milliy statistika qoʻmitasi xabar berdi.
Kelganlarning katta qismini Afgʻoniston fuqarolari tashkil etdi — 323 660 kishi. Ikkinchi oʻrindan Turkmaniston joy oldi, u yerdan 24 196 kishi kelgan, uchinchi oʻrinda esa 6 412 kishilik koʻrsatkich bilan Tojikiston qayd etildi.
Boshqa mamlakatlardan kelgan tashrif buyuruvchilar soni sezilarli darajada past boʻldi. Qirgʻizistondan 695 kishi, Qozogʻistondan — 629, Rossiyadan — 370, Turkiyadan — 346 kishi kelgan. Yana 1 150 nafar xorij fuqarosi boshqa davlatlardan tijorat maqsadlarida tashrif buyurgan.
Shu tariqa, Afgʻoniston fuqarolari 2026 yilning dastlabki toʻqqiz oyida Oʻzbekistonga tijorat maqsadlarida tashrif buyurgan xorijliklarning mutlaq koʻpchiligini tashkil etdi.