Xorijga o‘qish uchun ketayotgan o‘zbekistonliklar soni 33 foizga kamaydi
2026-yilning 9 oy mobaynida o‘qish maqsadida xorijga chiqqan o‘zbekistonliklar 8,1 ming nafarga kamaydi
Xorijda tahsil olish uchun ketayotgan o‘zbekistonliklar soni 33 foizga qisqardi
2026-yil yanvar–sentyabr oylarida 16 522 nafar O‘zbekiston fuqarosi o‘qish maqsadida xorijga safar qilgan.
Bu ko‘rsatkich 2025-yilning shu davriga nisbatan 33 foizga kam. O‘tgan yilning dastlabki to‘qqiz oyida o‘qish uchun xorijga chiqqan o‘zbekistonliklar soni qariyb 24,6 ming nafarni tashkil etgan.
2025-yil yanvar–sentyabr oylarida o‘zbekistonliklar o‘qish maqsadida eng ko‘p Tojikistonga safar qilgan — 5 534 nafar. 2026-yilning mos davrida esa Rossiya birinchi o‘ringa chiqqan.
2026-yilning 9 oyida Rossiyaga o‘qish uchun 3 847 nafar O‘zbekiston fuqarosi borgan. Qirg‘iz Respublikasi 2 809 nafar bilan ikkinchi, Koreya Respublikasi 2 118 nafar bilan uchinchi o‘rinda qayd etilgan.
O‘qish maqsadida Turkiyaga 1 818 nafar, Xitoyga 1 248 nafar, Qozog‘istonga 1 112 nafar va Tojikistonga 904 nafar o‘zbekistonlik safar qilgan.
Buyuk Britaniyaga 784 nafar, Germaniyaga 374 nafar va AQShga 231 nafar O‘zbekiston fuqarosi o‘qish uchun borgan. Boshqa davlatlarga safar qilganlar soni 1 277 nafarni tashkil etgan.