Ukraina bosh vaziri Yuliya Sviridenko iste’foga chiqarildi.
Ukraina Oliy Radasi bosh vazir Yuliya Sviridenko va Vazirlar Mahkamasining iste’fosini qo‘llab-quvvatladi..
Ukraina bosh vaziri Yuliya Sviridenko iste’foga chiqdi. Ukraina Oliy Radasi Sviridenko va Vazirlar Mahkamasining iste’fosini tasdiqladi.
«Suspilne» ma’lumotlariga ko‘ra, Sviridenkoning iste’fosini 258 deputat qo‘llab-quvvatlagan. Sviridenko bilan birga Ukraina hukumati ham iste’foga chiqadi.
Deputatlar yangi bosh vazirni 16 iyul kuni saylashni rejalashtirmoqda. Yangi bosh vazir tayinlanguncha hukumatni bosh vazir o‘rinbosari Denis Shmigal boshqaradi.
Sviridenko shunday dedi: «Bir yil avval bo‘lgani kabi, hukumatning asosiy vazifasi Rossiyaning doimiy hujumlari sharoitida qishdan omon qolish bo‘ladi. O‘tgan yili ham ruslar bizni muzlatishni xohlagandi. Ular buni uddalay olmadi. Kelgusi qishga tayyorgarlik ko‘rish uchun biz barcha hududlarning barqarorligini ta’minlash rejalarini tasdiqladik va ularni har kuni amalga oshirmoqdamiz».
Sviridenko Ukraina hukumatini bir yildan kamroq vaqt davomida boshqardi. U 2025 yil iyul oyi o‘rtalarida ish boshlagan edi.
Sviridenkoning iste’fosi Zelenskiy davrida hukumat rahbarining to‘rtinchi o‘zgarishidir. U o‘z iste’fosini o‘tgan hafta e’lon qilgan edi.
Ukraina matbuoti «Naftogaz» rahbari Sergey Koretskiy yangi bosh vazir bo‘lishi mumkinligini yozmoqda. Sviridenkoga esa Ukrainaning AQShdagi elchisi lavozimi taklif qilindi, ammo u hozircha bu lavozimga oid qarorini e’lon qilmadi.