Toshkentda O‘zbekiston va Afg‘oniston tadbirkorlari o‘rtasida hamkorlik aloqalari kengaytirilmoqda
Afg‘onistonda avtomobillar hamda ularning ehtiyot va butlovchi qismlari savdosi bilan shug‘ullanuvchi tadbirkorlar delegatsiyasining Toshkent shahriga amaliy tashrifi davom etmoqda.
Toshkentda O‘zbekiston va Afg‘oniston ishbilarmon doiralari o‘rtasidagi hamkorlik aloqalari mustahkamlanmoqda.
Afg‘onistondan avtomobillar, ularning ehtiyot qismlari va butlovchi qismlari savdosi bilan shug‘ullanuvchi tadbirkorlar delegatsiyasining Toshkentga tashrifi davom etmoqda.
Savdo-sanoat palatasi va Toshkent shahar hokimligi tomonidan tashkil etilgan ushbu tashrif doirasida mehmonlarga Uchtepa tumanidagi "Scopus Mall" savdo majmuasida avtomobil ehtiyot qismlari savdosini yo‘lga qo‘yish uchun yaratilgan imkoniyatlar ko‘rsatildi.
Bundan tashqari, delegatsiya a'zolari 40 dan ortiq mahalliy korxonalar ishtirokida tashkil etilgan ko‘rgazma bilan tanishdilar. Ko‘rgazmada O‘zbekistonda ishlab chiqarilayotgan avtomobil ehtiyot va butlovchi qismlari hamda korxonalarning ishlab chiqarish quvvatlari namoyish etildi.
Uchrashuvlar davomida mahalliy ishlab chiqaruvchilar va afg‘onistonlik tadbirkorlar o‘rtasida to‘g‘ridan-to‘g‘ri savdo aloqalarini o‘rnatish, eksport hajmini oshirish va o‘zaro manfaatli hamkorlikni rivojlantirish masalalari muhokama qilindi.