Toshkentda ayrim avtobuslarning yo‘nalishlari o‘zgartiriladi
Avvalroq Kichik halqa avtomobil yo‘lining Bunyodkor shohko‘chasi bilan kesishmasidan Arnasoy ko‘chasi bilan kesishmasigacha bo‘lgan qismi transport harakati uchun 4 kunga yopilishi xabar qilingandi.
Toshkentda ayrim avtobus yo‘nalishlari o‘zgaradi
Toshkent shahrida to‘rtta avtobus yo‘nalishi o‘zgartiriladi. Bu haqda "Toshshahartransxizmat" ma’lum qildi.
Xabarga ko‘ra, Kichik halqa yo‘lining Bunyodkor shohko‘chasi bilan kesishmasidan Arnasoy ko‘chasi bilan kesishmasigacha bo‘lgan qismi transport harakati uchun vaqtincha yopilishi sababli, ushbu hududdan o‘tuvchi avtobus yo‘nalishlari sxemasi quyidagicha o‘zgartiriladi:
* **18, 80-sonli yo‘nalishlar (shahar markazi tomon):** Kichik halqa yo‘li ➔ Arnasoy ➔ Cho‘pon ota ko‘chalari orqali harakatlanadi.
* **77, 103-sonli yo‘nalishlar (shahar markazi tomon):** Kichik halqa yo‘li ➔ Bunyodkor ➔ Cho‘pon ota ko‘chalari orqali harakatlanadi.
Qayd etilishicha, cheklovlar davrida ko‘chalarda tirbandliklar ortishi ehtimoli bor. Zarurat tug‘ilganda yo‘nalishlar harakatiga qo‘shimcha o‘zgarishlar kiritilishi ham mumkin.
Shuningdek, avtobuslarning qatnov va oraliq vaqti rejadagidan biroz uzoqroq davom etishi mumkinligi aytilmoqda.
Avvalroq qurilish-montaj ishlari olib borilishi sababli Kichik halqa avtomobil yo‘lining Bunyodkor shohko‘chasi bilan kesishmasidan Arnasoy ko‘chasi bilan kesishmasigacha bo‘lgan qismi transport harakati uchun 4 kunga yopilishi xabar qilingan edi.