Oʻzbekiston Cadila Pharmaceuticals bilan yangi loyihalarni muhokama qildi
Tibbiyot va farmatsevtika tarmog‘ini rivojlantirish agentligi direktori Abdulla Azizovning Hindiston Respublikasiga xizmat safari doirasida mamlakatning yetakchi farmatsevtika kompaniyalaridan biri — Cadila Pharmaceuticals rahbariyati bilan uchrashuv bo‘lib o‘tdi.
Oʻzbekiston Cadila Pharmaceuticals bilan yangi loyihalarni koʻrib chiqdi
Toshkent, Oʻzbekiston (UzDaily.uz) —
Tibbiyot va farmatsevtika tarmogʻini rivojlantirish agentligi direktori Abdulla Azizovning Hindiston Respublikasiga tashrifi davomida mamlakatning yetakchi farmatsevtika kompaniyalaridan biri boʻlgan Cadila Pharmaceuticals rahbariyati bilan uchrashuv oʻtkazildi.
Muzokaralar davomida Oʻzbekistonda zamonaviy farmatsevtika ishlab chiqarish quvvatlarini yaratish, dori vositalari ishlab chiqarishni mahalliylashtirish, ilgʻor texnologiyalarni joriy etish va investitsiya loyihalarini amalga oshirish istiqbollari muhokama qilindi.
Shuningdek, kompaniya vakillariga "BioPharma City" farmatsevtika klasterining imkoniyatlari, xorijiy investorlar uchun yaratilgan qulay shart-sharoitlar, shuningdek, qoʻshma ishlab chiqarishlarni yoʻlga qoʻyish va yuqori texnologiyali loyihalarni amalga oshirish uchun taqdim etilayotgan imkoniyatlar haqida batafsil maʼlumot berildi.
Tomonlar "BioPharma City" doirasida qoʻshma loyihalarni amalga oshirish, ishlab chiqarish infratuzilmasini rivojlantirish, xalqaro sifat standartlarini joriy etish va texnologiyalar transferi boʻyicha hamkorlikni kengaytirish yuzasidan fikr almashdilar.