MKBANKda giyohvandlik va psixotrop moddalarning salbiy oqibatlari bo‘yicha davra suhbati o‘tkazildi
Mazkur tadbirning asosiy maqsadi - bank xodimlari, ayniqsa, yoshlar o‘rtasida sog‘lom turmush tarzini targ‘ib qilish,
MKBANKda giyohvandlik va psixotrop moddalarning salbiy oqibatlari muhokama qilindi
MKBANKda "Xavfsiz va sog‘lom yurt" kompleks tezkor-profilaktik tadbirlari oyligi doirasida Ichki ishlar vazirligi Tezkor qidiruv departamenti bilan hamkorlikda "O‘zbekistonda giyohvandlik va psixotrop moddalarning salbiy oqibatlari, ularning yoshlar hayoti va kelajagiga tahdidi" mavzusida davra suhbati tashkil etildi.
Ushbu tadbirda Boshqaruv raisi o‘rinbosari S.Melibayev, Ichki ishlar vazirligi Tezkor qidiruv departamenti xodimi, kapitan Ulug‘bek Altiboyev, shuningdek, bank xodimlari va yoshlar ishtirok etishdi.
Tadbirning asosiy maqsadi bank xodimlari, xususan, yoshlar orasida sog‘lom turmush tarzini targ‘ib qilish, giyohvandlik va psixotrop moddalar iste’molining ayanchli oqibatlari haqida xabardorlikni oshirish hamda ularni turli zararli illatlardan himoya qilishdan iborat edi.
Davra suhbati davomida Ichki ishlar vazirligi Tezkor qidiruv departamenti mutaxassisi giyohvandlik va psixotrop moddalarning inson salomatligi, ruhiy holati va ijtimoiy hayotiga ko‘rsatadigan salbiy ta’siri haqida batafsil ma’lumot berdi. Shuningdek, ushbu illatlarning yoshlar kelajagi, oilaviy muhit va jamiyat taraqqiyotiga yetkazadigan zararli oqibatlari hayotiy misollar asosida tushuntirildi.
Tadbirda giyohvandlik vositalari va psixotrop moddalarning noqonuniy muomalasiga qarshi kurashish borasida mamlakatimizda amalga oshirilayotgan chora-tadbirlar, amaldagi qonunchilik talablari hamda bu turdagi huquqbuzarliklar uchun belgilangan javobgarlik masalalariga alohida e’tibor qaratildi.