Ёввойи табиатнинг кöзни узиб бöлмайдиган олти сурати эълон қилинди
Форел тутаётган катта кöк қарқара, боşини эгган император пингвини ва сардиналар орасида озиқланаётган букри кит МоноВисионс Пҳотограпҳй Авардс 2026 танловининг «Табиат ва ёввойи ҳайвонлар» йöналиşида совринли öринларни эгаллади. Оқ-қора фотографияга баğиşланган танлов ҳакамлари куçли şамолдаги қутб тулкиси, сув остидаги денгиз арслони ва сув иçаётган фил тасвирларини ҳам алоҳида эътироф этди.
Ёввойи табиатнинг кўзни узиб бўлмайдиган олти сурати эълон қилинди
МоноВисионс Пҳотограпҳй Авардс ташкилотчилари 2026-йилги танлов натижаларини маълум қилди. Якка фотосуратлар бўйича «Табиат ва ёввойи ҳайвонлар» (Натуре анд Вилдлифе) тоифасида биринчи ўрин АҚШ вакили Вей Лянинг «Бехато зарба» (Перфест стрике) асарига берилди.
Суратда катта кўк қарқара форел балиğини тутаётган он акс этган. Қушнинг қанотлари ҳали ёпилмаган, ўлжа атрофида эса сув томчилари сачрамоқда. Фотограф овнинг айнан шу қисқа лаҳзасини кадрга муҳрлаган.
Иккинчи ўринни АҚШнинг яна бир вакили Ливен Таонинг «Нафосат!» (Грасе!) сурати эгаллади. Кадр Антарктидадаги Гулд қўлтиғида, император пингвинларининг йирик колонияси орасида олинган.
Муаллифнинг айтишича, минглаб қушлар орасида унинг эътиборини бир вояга етган пингвин тортган. У камеранинг рўпарасида туриб, овоз чиқарган ва турли ҳолатларга кирган. Фотограф айнан пингвин бошини эгган пайтни танлаган.
«Пингвин бошини эгган лаҳза менга шу қадар нафис кўриндики, уни таърифлашга сўз тополмадим», - дейилади Таонинг суратга берган изоҳида.
Ливен Тао яқинда касбий амалиётини якунлаган эндодонт, яъни тиш илдизи каналларини даволаш бўйича мутахассисдир. Фотография унинг ҳаётига тахминан ўн йил аввал дам олиш машғулоти сифатида кириб келган, кейинчалик эса асосий қизиқишига айланган.
Унинг таржимаи ҳолида қутб ҳудудларига алоҳида қизиқиш, шунингдек, оқ айиқларга бағишланган Юкиўс Фирст Дай Оут номли болалар фотокитоби тилга олинади. Танловга тақдим этилган ишда фотограф бутун колониянинг кенг манзараси ўрнига битта пингвиннинг портретини кўрсатишни маъқул кўрган.
Учинчи ўрин колумбиялик фотограф Камило Диаснинг «Қулай фурсатда озиқланиш» (Оппортунистис Феединг) асарига берилди. Унда сув юзаси яқинида озиқланаётган букри кит ва унинг атрофида тўпланган балиқлар тасвирланган.
Диаснинг тушунтиришича, сурат сардиналарнинг оммавий кўчиши пайтида олинган. Бир жойда тўпланган катта миқдордаги ўлжа денгиз қушлари, денгиз арслонлари, марлинлар ва тунецларни ҳам жалб қилган. Муаллиф озуқанинг бу қадар мўллиги китнинг ҳатто кўпайиш ҳудудида ҳам озиқланишига сабаб бўлганини таъкидлайди.