Хитойда 110 роботдан иборат рақс гуруҳи Гиннесс рекордини öрнатди
Хитойнинг АГИБОТ компанияси яратган 110 та одамсимон робот бир вақтда синхрон рақс ижро этиб, Гиннесс рекордини öрнатди. Роботлар сакраб, турли şаклларда саф тортиб, ҳатто «2026» ёзувини ҳосил қилган пайтда ҳам ҳаракатлар уйğунлигини сақлаб қолди.
Хитойда 110 та роботдан тузилган рақс жамоаси Гиннесс рекордини ўрнатди
Намойиш 24-октабр куни Хитойнинг Шандун провинсиясидаги Сзинан шаҳрида бўлиб ўтди. «Хуанхе» халқаро анжуманлар ва кўргазмалар марказидаги чиқишда Эхпедитион А3 моделига мансуб 110 та одамсимон робот қатнашди.
Одам бўйига яқин ўлчамдаги роботлар сафда ҳаракатланиб, сакраб ва жойларини алмаштириб, мураккаб рақс дастурини бажарди. Улар тўлқинсимон ҳаракатларни намойиш этди ва бир неча бор турли шаклларда қайта сафланди.
Чиқиш давомида роботлар «2026» кўринишида ҳам жойлашди. Рақснинг бир қисмидан иккинчисига ўтишда бутун гуруҳ ҳаракатларни бир-бирига мувофиқ бажаришда давом этди.
Тадбирда Гиннесс рекордлар китоби вакили иштирок этиб, қатнашган роботлар сонини текширди ва расмий сертификатни топширди. Натижа бир вақтда рақс тушган одамсимон роботлар сони бўйича рекорд сифатида қайд этилди.
Роботларнинг ҳаракатларини мувофиқлаштириш учун АГИБОТ ўзининг ЛинкБоц платформасидан фойдаланган. У кўплаб роботларнинг вазифалари ва ҳаракатларини гуруҳ сифатида режалаштириш ҳамда бошқаришга мўлжалланган. Шу орқали ҳар бир аппаратнинг ҳаракати умумий рақс дастурига мослаштирилган.
Компания маълумотига кўра, намойишда қатнашган 110 та роботнинг барчаси серияли ишлаб чиқарилган моделлар бўлган. Улар айнан ушбу чиқиш учун махсус қайта жиҳозланмаган. Бу АГИБОТ тижорий равишда ишлаб чиқараётган роботларини катта гуруҳ таркибида мувофиқлаштира олганини кўрсатади.
Намойиш кўп сонли одамсимон роботларни мураккаб умумий дастур асосида бошқариш имкониятини очиб берди. Бунда алоқа тизимлари ва марказлашган бошқарув муҳим ўрин тутган.
Шу билан бирга, синхрон рақс назорат қилинадиган шароитдаги намойиш ҳисобланади. У роботлар заводларда ёки бошқа реал иш муҳитида ҳам мураккаб вазифаларни худди шундай ишончли бажара олишини ўз-ўзидан исботламайди.