Хитой 54 миллион киşини электр билан таъминлаş уçун АЕСни кенгайтирмоқда
Хитойдаги «Хайян» атом электр стансиясининг уçинçи босқиçи қурилиşи боşланди. Барçа олтита энергоблок иşга туşирилгаç, мажмуа йилига 60,9 миллиард киловатт-соатгаçа электр иşлаб çиқариşи кутилмоқда. Бу қарийб 54 миллион киşининг йиллик маиşий электр эҳтиёжини қоплаşга етади.
Хитой 54 миллион кишини электр билан таъминлаш учун АЕСни кенгайтирмоқда
Хитойнинг шарқидаги Шандун вилоятининг Хайян шаҳрида жойлашган атом электр стансиясида бешинчи энергоблокнинг «ядровий ороли» қурилишига киришилди.
Стате Повер Инвестмент Сорпоратион - СПИС компанияси маълумотига кўра, 31-октабр куни мазкур қисм пойдеворига дастлабки бетон қуйилган. Шу тариқа «Хайян» атом энергетика мажмуасини барпо этишнинг учинчи босқичига старт берилди. Лойиҳа уч босқичда миллион киловатт қувват тоифасига мансуб олтита энергоблок қуришни назарда тутади.
«Хайян» учинчи авлод ядровий технологиялари асосида амалга оширилаётган дунёдаги дастлабки атом энергетика лойиҳаларидан бири ҳисобланади. Янги, учинчи босқич бешинчи ва олтинчи энергоблокларни қамраб олади. Уларда пассив хавфсизлик тизимларига эга такомиллаштирилган учинчи авлод сув-сув реакторларидан фойдаланилади.
Пассив хавфсизлик тизимларининг хусусияти шундаки, айрим ҳимоя вазифалари табиий физик жараёнларга таянади. Бундай ёндашув фавқулодда вазиятларда ташқи электр таъминоти ва фаол механик ускуналарга боғлиқликни камайтиришга хизмат қилади.
Учинчи босқич Хитойнинг 2026–2030-йилларга мўлжалланган 15-беш йиллик режаси даврида Шандун вилоятида қурилиши бошланган биринчи атом энергетика лойиҳаси бўлди.
Янги ишлар бошланиши билан «Хайян» мажмуаси бир нечта энергоблок бир вақтнинг ўзида ишлатиладиган, бошқалари эса қуриладиган ривожланиш босқичига ўтмоқда. Компания бундай ёндашув атом энергиясидан фойдаланиш йўналишларини кенгайтириш ва ҳудудда йирик атом энергетика марказини шакллантиришни тезлаштиришини таъкидламоқда.
СПИС Шандонг Нуслеар Повер компаниясининг «Хайян» лойиҳаси раҳбари Лю Фейнинг айтишича, олтита энергоблок тўлиқ қурилиб, фойдаланишга топширилгач, мажмуа тўлиқ пассив хавфсизлик тизимли сув-сув реакторлари технологиясига асосланган атом энергетика обьектлари орасида дунёдаги энг йиригига айланади. Йиллик электр ишлаб чиқариш 60,9 миллиард киловатт-соатга етиши, бу эса 54 миллион аҳолининг маиший электр эҳтиёжини қоплашга тенг бўлиши кутилмоқда.
Хитой атом энергетикасини мамлакат миқёсида ҳам жадал кенгайтирмоқда. Хабарда келтирилган маълумотларга кўра, мамлакатда ишлаётган, қурилаётган ёки қурилиши тасдиқланган жами 120 та атом энергоблоки мавжуд. Уларнинг умумий қуввати 135 миллион киловаттни ташкил этади. Ишга туширилган ва режалаштирилган обьектлар биргаликда ҳисобланганда, Хитой бу кўрсаткич бўйича дунёда биринчи ўринда туради.