Уиткофф Путинни «инсонпарвар» деб атади
Унинг сўзлари америкалик конгрессменнларни ғазаблантирди. Трамп ва Венс уни оқлашга ҳаракат қилмоқда.
Уиткофф Путинни «инсонпарвар» деб атади
АҚШ президентининг махсус вакили Стив Уиткофф 21-октабр куни Санкт-Петербургга етиб келди ва РФ президенти Владимир Путин билан урушни тугатиш масаласида музокаралар олиб борди. Учрашув бошида Путин АҚШ фуқароси бўлган, Украина қуролли кучлари сафида жанг қилгани учун Россияда жазо муддатини ўтаётган Стивен Ҳаббардни озод қилганини маълум қилди. Уиткофф бунга жавобан Путинни «гуманист» деб атади — бу эса Қўшма Штатлардаги кўплаб юқори мартабали сиёсатчиларга, жумладан Доналд Трампнинг партиядошларига ҳам, мутлақо маъқул келмади. Трамп ва унинг вице-президенти Венс Уиткоффни ҳимоя қилди.
(Путинга) Сиз президент Трампнинг инсонпарварлиги ҳақида жуда кўп гапирасиз. Ўзингиз ҳам гуманисциз, сер, бунинг учун сизга тан бераман.
Владимир Путин — бизнинг дўстимиз эмас, гуманист ҳам эмаслиги аниқ. Унинг Украинадаги бегуноҳ тинч аҳолига қилаётган тинимсиз ҳужумлари унинг инсон ҳаётига буткул бефарқ эканини кўрсатади. Хушомад билан бу урушга нуқта қўйиб бўлмайди. Бунга фақат босим орқали эришиш мумкин.
[Уиткофф]дан яна бир шармандалик.
Бу нимаси, Стив? «Гуманист» сўзининг маъносини тушуниб ол. Қанчалар шармандали ва жирканч баёнот. Сен Украинага қайтиб, Путин ўғирлаб кетган ва ўлдириб юборган болалар оилаларидан дўстинг Путин — «гуманист» экани ҳақидаги фикрга қанчалик қўшилишини сўрашинг керак.
Йўқ, Путин гуманист эмас, балки совуққон қотилдир.
Владимир Путин — ҳарбий жиноятчи. У — минглаб украинларни сўз билан таърифлаб бўлмайдиган шафқацизлик билан ўлдирган диктатор. Уиткоффнинг бу сўзлари жирканч ва шармандали.