Тошкентнинг туманларидан бирида кечгача газ ўчирилди
Тошкентнинг туманларидан бирида кечгача газ ўчирилди
Бугун, 19 октябрь куни Юнусобод туманининг иккита маҳалласида табиий газ узатиш вақтинча тўхтатилди. 635 та хонадон ва ҳовли уйлар, шунингдек, бир неча ўнлаб корхона ва ташкилотлар газ таъминотисиз қолди.
«Ҳудудгаз Пойтахт» хабарига кўра, мутахассислар «Обод» маҳалласи ҳудудидаги ер ости газ қувурида таъмирлаш ишларини олиб бормоқда.
Шу муносабат билан соат 09:00 дан 18:00 гача «Посира» маҳалласидаги 515 та хонадондан иборат тўртта кўп қаватли уйда ҳамда «Обод» маҳалласидаги 120 та ҳовли уйда газ узатиш тўхтатилди.
Чекловлар тижорат истеъмолчиларига ҳам таъсир қилди: газ қуйиш шохобчалари, болалар уйи, шунингдек, кўрсатилган маҳаллалар ҳудудида жойлашган 32 та корхона газсиз қолди.
Таъмирлаш ишлари якунлангач, газ таъминоти босқичма-босқич тикланади.
Компания аҳоли ва корхоналардан вақтинчалик ноқулайликлар учун узр сўради.