Тошкентнинг учта тумани аҳолиси газсиз қолди
Тошкентнинг учта тумани аҳолиси газсиз қолди
Бугун, 11 сентябрь куни Юнусобод, Бектемир ва Янгиҳаёт туманларининг айрим ҳудудларида табиий газ таъминоти вақтинча тўхтатилади. Чекловлар таъмирлаш ишлари олиб борилиши билан боғлиқ.
«Ҳудудгаз Пойтахт» матбуот хизмати хабарига кўра, Юнусобод туманида соат 09:00 дан 18:00 гача «Туркқўрғон», «Ў. Ширин», «Жомий», «Янгиариқ» ва «Ифтихор» маҳаллаларида, шунингдек, Акмал Пўлат кўчасида газ таъминоти тўхтатилди. Ўчириш ҳудудига 2,8 мингта хусусий уй, 8 та кўп қаватли уй ва 95 та улгуржи истеъмолчи киради.
Бектемир туманида чекловлар «Ҳ. Бойқаро» маҳалласи ва Ҳ. Бойқаро кўчасига таъсир қилади. Газ соат 10:00 дан 18:00 гача ўчирилади. 260 та хонадон жойлашган 3 та кўп қаватли уй, шунингдек, 2 та улгуржи истеъмолчи газ таъминотисиз қолади.
Янгиҳаёт туманида «Бинокор» маҳалласида соат 10:00 дан 17:00 гача газ узатиш вақтинча тўхтатилади. Чекловлар 178 та хусусий уй ва 11 та улгуржи истеъмолчига таъсир қилади.
Таъмирлаш ишлари якунлангач, табиий газ таъминоти босқичма-босқич тикланади.
Газ таъминоти корхонаси вақтинчалик ноқулайликлар учун аҳолидан узр сўради.