Юнусободнинг бир қисми саккиз соатга газсиз қолди

Юнусободнинг бир қисми саккиз соатга газсиз қолди

Бугун, 8 октябрь куни Тошкентнинг Юнусобод туманидаги айрим ҳудудларда газ таъминоти саккиз соатга тўхтатилди. Чеклов газ қувурини кўчириш ишлари муносабати билан жорий этилди.

Ўчириш соат 18:00 гача давом этади. Бу жами 150 та хусусий уй ва 1,7 мингдан ортиқ хонадонга таъсир кўрсатди.

Хусусан, "Обод" маҳалласидаги 150 та уй, "Посира" маҳалласидаги кўп қаватли уйлардаги 515 та хонадон ва "Минор" маҳалласидаги "Қозоғистон" турар жой мажмуасининг 520 та хонадони газсиз қолди.

Бундан ташқари, ўчириш "Мирзо Улуғбек" маҳалласидаги 63-уйнинг 30 та хонадони, "Матонат" маҳалласидаги Murad Buildings уйининг 140 та хонадони ва "Буюк Турон" маҳалласидаги "Муҳташам" турар жой мажмуасининг 520 та хонадонига таъсир қилди.

Турар жой секторидан ташқари, 50 дан ортиқ улгуржи истеъмолчиларда ҳам газ вақтинчалик ўчирилди. Улар қаторида газ қуйиш шохобчалари, болалар муассасалари, олий ўқув юртлари ва бошқа объектлар бор.

Ишлар якунлангач, газ таъминоти босқичма-босқич тикланади.