Сирдарёда ходимларни дам олиш кунлари ишга мажбуран жалб қилган бўлим бошлиғи жаримага тортилди
Сирдарёда ходимларни дам олиш кунлари ишга мажбуран жалб қилган бўлим бошлиғи жаримага тортилди
Сирдарё вилояти Ховос тумани сув таъминоти бўлими бошлиғи ходимларни дам олиш кунларида ишга жалб қилгани ҳақидаги хабарлар тарқалди. Омбудсман идораси ушбу ҳолатни ўрганди.
Қайд этилишича, Олий Мажлиснинг инсон ҳуқуқлари бўйича вакилига “Сирдарё сув таъминоти” АЖ Ховос туман бўлими ходимлари дам олиш ва байрам кунлари мажбуран ишга жалб қилинаётгани юзасидан мурожаат келиб тушган. Мурожаат омбудсманнинг Сирдарё вилоятидаги минтақавий вакили ҳамда вилоят Давлат меҳнат инспексияси томонидан ўрганилган.
Текширув жараёнида ходимларнинг тушунтириш хатлари, Телеграм тармоғидаги видеолар ва ишга чиқишга чақирилган аудиоёзувлар кўриб чиқилди. Натижада ходимларнинг дам олиш кунлари ишга жалб қилингани тасдиқланди.
Ўрганиш якунига кўра, бўлим бошлиғи А.P.ga нисбатан Маъмурий жавобгарлик тўғрисидаги кодекснинг 51-моддаси 1-қисми асосида маъмурий баённома расмийлаштирилди. Бўлим бошлиғига 41 миллион 200 минг сўм жарима белгиланди.
Давлат меҳнат инспексияси мазкур ҳолатларда мажбурий меҳнатга йўл қўйилгани ва Меҳнат кодексининг 5-моддаси талаблари бузилганини аниқлади.
Натижада мактабгача таълим ташкилоти раҳбари Г.А. Маъмурий жавобгарлик тўғрисидаги кодекснинг 51-моддаси 1-қисмига (меҳнатга маъмурий тарзда мажбурлаш) асосан БҲМнинг 50 баравари — 20,6 млн сўм миқдорида жаримага тортилди.