Шавкат Мирзиёев БМТ Бош Ассамблеясининг 81-сессияси раиси билан учрашди
Ўзбекистон Президенти Шавкат Мирзиёев 20 октябрь куни БМТ Бош Ассамблеясининг 81-сессияси раиси ва Бангладеш ташқи ишлар вазири Халилур Раҳманни қабул қилди. Томонлар БМТ билан ҳамкорликни кенгайтириш ва икки томонлама муносабатларни ривожлантиришни муҳокама қилдилар. Халилур Раҳман Ўзбекистонга 21–22 […] кунлари бўлиб ўтадиган «Болалар фаровонлигига инвестициялар: келажак авлодларнинг барқарор ва адолатли ривожланиши томон йўл» Бутунжаҳон саммитида иштирок этиш учун ташриф буюрди.
Шавкат Мирзиёев БМТ Бош Ассамблеясининг 81-сессияси раиси билан учрашув ўтказди
20 октябрь куни Ўзбекистон президенти Шавкат Мирзиёев БМТ Бош Ассамблеясининг 81-сессияси раиси ва Бангладеш ташқи ишлар вазири Халилур Раҳманни қабул қилди. Музокараларда БМТ билан ҳамкорликни кенгайтириш ва икки томонлама муносабатларни янада ривожлантириш масалалари муҳокама қилинди.
Халилур Раҳман Ўзбекистонга 21–22 октябрь кунлари Самарқандда бўлиб ўтадиган «Болалар фаровонлигига инвестициялар: келажак авлодларнинг барқарор ва адолатли ривожланишига йўл» номли Бутунжаҳон саммитида иштирок этиш учун келди.
Суҳбат чоғида Мирзиёев меҳмонни БМТ Бош Ассамблеяси раиси лавозимига сайлангани билан табриклади ва Ўзбекистон у янги мақомда ташриф буюрган биринчи мамлакат бўлганини таъкидлади. Ўз навбатида, Халилур Раҳман давлат раҳбарига БМТ бош котиби Антониу Гутерришнинг саломларини етказди.
Томонлар, шунингдек, Ўзбекистоннинг БМТ ва унинг ихтисослашган тузилмалари билан ҳамкорлигини янада мустаҳкамлаш юзасидан фикр алмашдилар. Охирги йилларда Ўзбекистон ташаббуси билан Бош Ассамблея томонидан 15 та резолюция қабул қилингани, улардан иккитаси 2026 йилда маъқуллангани қайд этилди.
Бундан ташқари, Ўзбекистон 2035–2036 йиллар даври учун БМТ Хавфсизлик Кенгашининг доимий бўлмаган аъзолигига ўз номзодини илгари сурди.
Учрашув иштирокчилари Барқарор ривожланиш мақсадларига эришиш, Марказий Осиёда минтақавий ҳамкорликни мустаҳкамлаш, иқлим ўзгариши оқибатларига қарши курашиш, шунингдек, тинчлик маданияти ва динлараро мулоқотни илгари суришга алоҳида эътибор қаратдилар.
Шунингдек, томонлар Ўзбекистон ва Бангладеш ўртасидаги кўп қиррали шерикликни кенгайтиришдан манфаатдор эканини тасдиқладилар.
Учрашув Самарқандда болалар фаровонлиги ва келажак авлодларнинг барқарор ривожланишига бағишланган халқаро саммит арафасида бўлиб ўтди.