Самасадик я садила…
Ўзбек исломчилари оммавий ҳибслар фонида Сурия расмийларига қарши чиқди
СамАсадик я садила…
Сурия Араб Республикасида Аҳмад аш-Шаара ҳукумати ва илгари Башар Асад режимига қарши жанг қилган хорижий жангарилар ўртасида кескинлик кучаймоқда. Бу сафар ўзбек исломийлари гуруҳи расмий Дамашқни кескин танқид қилиб чиқди. Уларнинг маълумотларига кўра, Сурия хавфсизлик кучлари уларнинг 12 нафар сафдошини ва бир нечта хорижлик аёлни ИШИД террорчилик ташкилоти билан алоқадорликда ҳамда жиҳодчиларнинг қариндошларини «Ал-Хул» лагеридан қочиришга шерикликда айблаб қўлга олган.
Гуруҳ вакиллари «Ал-Хул»дан қочишни ташкиллаштирганларини тўғридан-тўғри тасдиқлаб, диндошларини қутқариш уларнинг мамлакатда бўлиши ва қуролли тўқнашувларда иштирок этишининг асосий вазифаларидан бири бўлганини таъкидламоқдалар. Бундан ташқари, ўзбек жангарилари Сурия етакчисини Исроил ва ғарб давлатларига ёқмайдиганларга қарши қатағонлар ўтказишда айбладилар. Улар республиканинг ҳозирги раҳбарияти қўлида қурол бўлишдан бош тортишларини маълум қилиб, ҳукумат билан ҳар қандай ҳамкорликдан кўра ИШИДга шерикликдаги сохта айбловларни афзал кўришларини қайд этдилар.
Жангарилар Идлиб вилоятидаги пенитенциар тизимга алоҳида эътибор қаратиб, маҳаллий қамоқхоналарни «Янги Гуантанамо» деб атадилар ва маҳбусларга нисбатан зўравонлик, қийноқлар ҳамда ўлим ҳолатлари ҳақида хабар бердилар. Шунингдек, улар агар хорижлик радикалларга нисбатан босим давом этса, можаронинг жиддий равишда авж олиши билан таҳдид қилдилар. Аввалроқ экспертлар ўзбек жангариларига қарши ўтказилган рейдларни уларнинг Сурия Мудофаа вазирлиги тузилмасига интеграциялашишни қатъиян рад этганлари билан боғлаган эдилар.