Роналду қайтиши мумкин. Жезуш уни қабул қилишга тайёр
Португалия миллий жамоаси атрофидаги можарода янги инсайдлар пайдо бўлди.
Роналду қайтиши мумкин. Жезуш уни қабул қилишга тайёр
Криштиану Роналду Португалия миллий жамоасида яна майдонга тушиши эҳтимоли бор — бу масалага ҳали якуний нуқта қўйилгани йўқ. Форвард фаолиятидаги 1000-голни айнан миллий жамоа сафида уришни истайди.
Роналду иштирокисиз ҳам ўйнашда давом этаётган Португалия Норвегияни 2:1 ҳисобида мағлуб этиб, муддатидан олдин Миллатлар лигаси плей-офф босқичига йўлланмани қўлга киритди. Ўйиндан кейинги матбуот анжуманида жамоа бош мураббийи Жорже Жезушдан яна Криштиану билан боғлиқ вазият ҳақида сўрашди. Маълум бўлишича, вазият бироз юмшаган:
«Мен учун ҳали ҳаммаси очиқ. Криштиану ўз ҳаётини ўзи ҳал қилиши керак. Бўлиб ўтганларнинг барчаси — катта тушунмовчилик ва менимча, бу вазиятни ҳал қилиш осон. Агар у жамоада ўйнашда давом эца, истаган пайтида қайтиши мумкин. Нега бўлмасин?
Криштиануга нисбатан ҳеч қандай ёмонлигим йўқ. Буларнинг ҳаммасини ҳал қилиш осон. Мен хафа бўлганим йўқ. Унинг ўзи ҳал қилади. Бу қачон бўладими? Буни мен билмайман, кўрамиз. Биз эндигина ўйинни тугатдик».
Ҳолбуки, ўтган турда Данияга қарши учрашувдан кейинги матбуот анжуманида у бу борада кескин фикр билдирганди (бу Роналду миллий жамоа қароргоҳидан кетиб қолганидан кейинги илк ўйин эди):
«Бу вазият мени ўз қарашларимни қайта кўриб чиқишга мажбур қилдими? Йўқ, мутлақо. Юлдузли футболчилар бўлади, аммо қоидалар ҳамма учун бир хил. Мен бутун фаолиятим давомида доим шундай деб ҳисоблаганман ва шундай деб ҳисоблашда давом этаман».
Қайтиш федерация учун ҳам, Роналду учун ҳам фойдали
Норвегияга қарши ўйиндан олдинроқ португалиялик журналист Мигел Перейра талкСпорт учун берган интервюсида вазият ҳақида батафсил гапирганди. Унинг айтишича, миллий жамоадагилар ва Роналду ўртасидаги муносабатлар илиқлаша бошлаган:
«Гап шундаки, у минглик маррага етиши учун яна 21 та гол қолди. У охирги голни Португалия сафида уришни жуда хоҳлайди. У «Ан-Наср» таркибида осонлик билан 15-20 гол уришни мўлжаллаган, аммо энг асосийси, ўзини, миллий жамоадаги тарихини шарафлайдиган зиёфат уюштиришни хоҳлайди. Ва бўлиб ўтган ишларга қарамай, мен бу рўй беришига ишонаман».
Унинг фикрича, маҳаллий футбол мулозимлари Роналдудан шунчаки воз кеча олмайди: