Расман: Роналду Португалия миллий жамоаси қароргоҳини тарк этди
Ҳозирча футболчи миллий жамоадаги фаолиятини бутунлай якунлагани ёки фақат жорий йиғинни тарк этгани ҳақида маълумот берилмаган.
Расман: Роналду Португалия миллий жамоаси қароргоҳини тарк этди
Португалия миллий жамоаси ҳужумчиси Криштиану Роналду терма жамоа қароргоҳини тарк этди. Бу ҳақда футболчи ўз Инстаграм саҳифасида маълум қилди.
Роналдунинг сўзларига кўра, у бу қарорга миллий жамоа бош мураббийининг матбуот анжумани ва Португалия футбол федерацияси президенти билан бўлган суҳбатдан кейин келган.
«Миллий жамоа бош мураббийининг матбуот анжуманидан ва Португалия футбол федерацияси президенти билан суҳбатдан сўнг терма жамоа йиғинини тарк этишга қарор қилдим.
Вақти келганда барча португалияликларга доимо боримни бериб келган миллий жамоани тарк этишимга нима сабаб бўлгани ҳақида ҳақиқатни айтиб бераман. Ҳозир эса Португалияга ва истисносиз барча жамоадошларимга омад тилаш вақти келди», - деб ёзди Роналду.
Ҳозирча футболчи миллий жамоадаги фаолиятини бутунлай якунлагани ёки фақат жорий йиғинни тарк этгани борасида маълумот берилмаган.
Криштиану Роналду Португалия миллий жамоаси сафида 234 та ўйин ўтказиб, 146 та гол урган.