Қарийб 46 метр: АҚШ бомбардимончисининг қанотлари ҳақидаги тахминлар ўзгарди
АҚШнинг Б-21 Раидер бомбардимончи самолёти қанотлари қулочи тахминан 46,3 метр, узунлиги эса 18,6 метр деб баҳоланди. Тҳе Вар Зоне нашри Гоогле Эартҳъдаги сунъий йўлдош сурати асосида шундай хулосага келган. Бу ижтимоий тармоқларда тарқалган айрим тахминлардан сезиларли катта.
Қарийб 46 метр: АҚШ бомбардимончисининг қанотлари борасидаги тахминлар янгиланди
Б-21 илк бор кўрсатилганидан бери унинг ўлчамлари, айниқса қанотлари қулочи ҳақида турли маълумотлар тарқалиб келмоқда. Авиация ишқибозлари тайёрлаган ёки сунъий интеллект ёрдамида яратилган айрим материалларда бу кўрсаткич 39 метрдан ҳам кам деб берилган.
Янги баҳолаш учун Калифорниядаги Эдвардс авиабазасининг 2026-йил 20-июнда олинган ва яқинда Гоогле Эартҳъда эълон қилинган сунъий йўлдош сурати ишлатилган. Самолёт ўлчамлари платформадаги масофа ўлчаш воситалари орқали ҳисоблаб чиқилган.
Нашр ҳисоб-китобига кўра, Б-21ънинг қанотлари қулочи тахминан 46,3 метрни ташкил этади. Шу тариқа, у бу кўрсаткич бўйича ўзидан олдинги Б-2 Спирит самолётидан қарийб 12 фоиз кичик. Узунликдаги фарқ ҳам тахминан шунча.
Бу рақамлар сунъий йўлдош тасвири асосидаги баҳолаш бўлиб, ишлаб чиқарувчи эълон қилган расмий техник кўрсаткичлар сифатида тақдим этилмаган.
Б-21ънинг Б-2ъдан кичикроқ бўлиши аввалдан кутилган эди. Материалда қайд этилишича, Нортҳроп Грумман янги самолётни яратишда парвоз масофаси, эксплуатацияни арзонлаштириш ва радарларга кам сезилиш хусусиятларига алоҳида эътибор қаратган. Энг катта жанговар юкни ташиш эса асосий устуворлик бўлмаган.
Шу сабабли Б-21 ўлчамларининг кичиклиги унинг имкониятларини фақат Б-2 билан ташқи таққослаш орқали баҳолаш учун етарли эмас: янги самолёт бошқа талаб ва вазифалар инобатга олинган ҳолда ишлаб чиқилган.