Ўқ-дори ўрнига электр: дронларга қарши янги қурол синовдан ўтказилди
БАЕ Сйстемс компанияси дронлар тўдасига қарши мўлжалланган кучли микротўлқинли қуроли очиқ полигонлардаги синовлардан ўтиб, технологик тайёрликнинг олтинчи даражасига етганини билдирди. Тизим нишонларга одатий ўқ-дори ўрнига электромагнит энергия билан таъсир қилади.
Ўқ-дори ўрнига электр: дронларга қарши янги қурол синовдан ўтказилди
Компания АУСА–2026 кўргазмасида АҚШ армияси учун иккита ишланмани тақдим этди. Улардан бири кучли микротўлқинли ҲПМ тизими, иккинчиси эса ҳаводаги ва ердаги нишонларга қарши қўлланадиган МДАСС кўп мақсадли артиллерия комплексидир.
ҲПМ дронлар гуруҳига электромагнит энергия йўналтиради. Компания маълумотига кўра, электр таъминоти мавжуд бўлса, тизим янги нишонларга кетма-кет таъсир кўрсата олади. Бу одатий қуроллардаги каби ўқ-дори захирасини мунтазам тўлдириш эҳтиёжини камайтиради.
Бундай имконият ҳаво ҳужумидан мудофаа тизимларини ортиқча юклашга қаратилган оммавий дрон ҳужумларига қарши муҳим аҳамият касб этиши мумкин. Ракетали тутувчиларда эса ўқ-дори захираси чекланган бўлади ва сарфланган ракеталар ўрнини тўлдириш учун қўшимча таъминот керак бўлади.
БАЕ Сйстемсънинг билдиришича, ҲПМ конструксиясининг 99 фоиздан ортиғи очиқ бозорда мавжуд, серияли ишлаб чиқариладиган тижорат компонентларидан ташкил топган. Компания бу ёндашув ишлаб чиқариш ва техник хизмат кўрсатишни енгиллаштиришини таъкидлаган.
Модулли тизимни стационар ҳолатда, шатакка олинадиган комплекс сифатида, жанговар машиналарда ёки денгиз платформаларида жойлаштириш режалаштирилган.
Компания синовлар давомида нишонларга таъсирни ўрганиш учун бир неча миллиард микротўлқин импулси ҳосил қилинганини маълум қилган.
Иккинчи ишланма — МДАСС артиллерия тизими — ҳаво нишонларини юқори тезликдаги бошқариладиган ҲВП снарядлари билан тутиб қолишга мўлжалланган. Ҳаво транспортида ташиш мумкин бўлган ушбу платформа вазифа ва нишон турига қараб турли юқори аниқликдаги ўқ-дорилардан фойдаланади.
Ердаги ҳаракациз ва ҳаракатланаётган нишонларга қарши эса Ссорпио-ХР ўқ-дорисини қўллаш мумкин. БАЕ Сйстемс унинг отиш масофаси 155 миллиметрли артиллериядан отиладиган мавжуд юқори аниқликдаги ўқ-дориларга нисбатан икки баравар узоқ эканини билдирган.
Компания ҲПМ ва МДАССъни кўп қатламли мудофаанинг бир-бирини тўлдирувчи қисмлари сифатида кўради. Биринчиси дронлар гуруҳига йўналтирилган энергия билан таъсир қилса, иккинчиси ҳаво ва ер нишонларига снарядлар орқали зарба бериш имконини беради.