Писком дарёсида чўккан эркак жасади 15 кунлик қидирувдан сўнг топилди
Бўстонлиқ туманидаги Писком дарёсида чўкиб кетган 30 ёшли эркакнинг жасади 15 кунлик қидирувдан сўнг ФВВ ғаввослари томонидан топилди. Марҳум СУП-доскада сайр қилаётган вақтида сувга тушиб кетган ва қутқарув нимчасини киймагани сабабли оқимга дош беролмаган.
Писком дарёсида чўкиб кетган эркакнинг жасади 15 кунлик қидирувдан кейин топилди
Тошкент вилоятининг Бўстонлиқ туманидаги Писком дарёсида чўкиб кетган эркакнинг жасади 15 кундан сўнг топилди, дея хабар бермоқда.
26-август куни Қибрай туманида яшовчи 30 ёшли фуқаро бир гуруҳ ҳамроҳлари билан дарёда СУП-доскада сайр қилаётган пайтда бошқарувни йўқотиб, қояли қирғоққа урилган ва сувга тушиб кетган.
Вазирлик маълумотига кўра, фуқаро хавфсизлик талабларига зид равишда қутқарув нимчасини киймагани сабабли кучли сув оқими уни оқизиб кетган.
Ҳодиса юз берган кундан бошлаб ФВВ ғаввослари ҳудудда узлуксиз қидирув-қутқарув ишларини олиб борган. 10-сентабр куни соат 09:50 да фуқаронинг жасади сувдан олиб чиқилган.
ФВВ фуқароларни сув ҳавзаларида хавфсизлик қоидаларига қатъий риоя қилишга, сувда ҳаракатланиш вақтида албатта қутқарув нимчаларидан фойдаланишга чақиради.
Аввалроқ бир ҳафта давом этган қидирув ишларидан сўнг ФВВ қутқарувчилари Чорвоқ сув омборида отаси билан бирга чўкиб кетган икки ўғилдан бирининг жасадини топганди.
Қидирув ишлари давом этмоқда.