Ўзбекистонлик шахматчиларга халқаро турнирлардаги ғалабалари учун 200 минг долларгача тўланади
Ўзбекистонлик шахматчилар ва уларнинг мураббийлари халқаро мусобақалардаги совринли ўринлар учун кўпайтирилган бир марталик тўловларни оладилар. Янги мукофот миқдорларини Ўзбекистон президенти тасдиқлади. Энг юқори мукофот катталар ўртасидаги Бутунжаҳон шахмат олимпиадаси ва Паралимпиадасидаги олтин медаль учун кўзда тутилган. Ғолиб 200 минг доллар, кумуш медаль соҳиби — 100 минг доллар, бронза медаль соҳиби эса — 50 минг доллар олади. Ёшлар олимпиадаси учун тўловлар 20 минг долларни ташкил этади. […]
Ўзбекистонлик шахматчиларга халқаро турнирлардаги ғалабалари учун 200 минг долларгача тўланади
Ўзбекистонлик шахматчилар ва уларнинг мураббийлари халқаро мусобақаларда совринли ўринларни қўлга киритганликлари учун оширилган бир марталик тўловларни олишни бошлайдилар. Янги мукофот миқдорларини Ўзбекистон Президенти тасдиқлади.
Энг катта мукофот катталар ўртасидаги Бутунжаҳон шахмат олимпиадаси ва Паралимпиадасидаги олтин медаль учун кўзда тутилган. Ғолиб 200 минг доллар, кумуш медаль соҳиби — 100 минг доллар, бронза медаль соҳиби эса — 50 минг доллар олади.
Ёшлар олимпиадаси учун тўловлар олтин учун 20 минг доллар, кумуш учун 10 минг доллар ва бронза учун 5 минг долларни ташкил этади.
ФИДЕ таснифи бўйича жаҳон миқёсидаги мусобақалардаги ғалаба учун шахматчи 15 минг доллар олади. Иккинчи ўрин учун 7,5 минг доллар, учинчи ўрин учун эса — 3,75 минг доллар тўланади.
Осиё миқёсидаги турнирларда мукофотлар тегишлича 10 минг доллар, 5 минг доллар ва 2,5 минг долларни ташкил этади.
Халқаро гроссмейстер унвонини олганлик учун алоҳида 5 минг доллар кўзда тутилган.
Мукофотларни спортчиларнинг мураббийлари ҳам оладилар. Катталар ўртасидаги Бутунжаҳон шахмат олимпиадаси ғолибини тайёрлагани учун устозга 50 минг доллар тўланади. Кумуш ва бронза медаль соҳиблари учун эса — 25 минг доллар ва 12,5 минг доллар.
Бунда мукофотни спортчини охирги бир йил давомида тайёрлаган мураббий олади. Мураббийлар кенгашининг қарорига кўра, тўлов шахматчи билан охирги тўрт йил давомида ишлаган мутахассислар ўртасида тақсимланиши мумкин.
Мукофотлар миқдори сезиларли даражада ошди. Масалан, катталар ўртасидаги Бутунжаҳон шахмат олимпиадасидаги олтин учун энди аввалги 2 минг доллар ўрнига 200 минг доллар тўланади.
Ҳозирда Самарқандда 46-Бутунжаҳон шахмат олимпиадаси бўлиб ўтмоқда. FIDE Конгресси доирасида Халқаро шахмат федерациясининг янги президенти сайлови ҳам ўтказилади.