Нике қўлни ишлатмасдан кийиш мумкин бўлган кроссовкаларини тақдим этди
Нике қўл ишлатмасдан кийиладиган кроссовкаларини намойиш қилди
Нике қўл ишлатмасдан кийиш мумкин бўлган 24.7 кроссовкаларини тақдим этди. Моделда боғичлар бор, бироқ улар доим бир хил ҳолатда маҳкамланган бўлади. Кроссовкалар спорт машғулотлари учун эмас, балки кун давомида қулай кийиб юриш учун ишлаб чиқилган. Бу ҳолат унинг номида ҳам акс этган.
Устки қисми табиий ва сунъий теридан тайёрланган, ички томонида эса чокларсиз юмшоқ трикотаж астар қўлланган. Қалин тагликдаги кўп қатламли кўпик нотекис жойларда юришни енгиллаштириб, оёққа қулайлик беради.
Шу боис унинг кўринишидан ҳам юмшоқлиги сезилиб туради. Материал оёқни ўраб олади, пошна қисми эса ҳар сафар кийилгандан кейин ўзининг дастлабки ҳолатига қайтади. Таъкидланишича, кроссовкани қўл ишлатмасдан кийиш унинг шаклига зарар етказмайди.
“Тикланадиган” 24.7 кроссовкалари қаймоқранг ва қора рангларда ишлаб чиқарилган. Модел Нике сайтида аёллар ва эркаклар ўлчамларида сотувга чиқарилган бўлиб, нархи 140 долларни ташкил этади.