«Натижа бöлмаса, öзим кетаман» - Ислом Исмоилов «Нефтçи», футболдаги пуллар, Роналду ва Каннаваро ҳақида
Фарğонанинг «Нефтçи» клуби боş мураббийи Ислом Исмоилов Kun.uzъга берган интервюсида жамоасидаги öзгариşлар, ҳужумкор футболга öтиş қийинçиликлари, давлатнинг футбол клубларини молиялаşтириşи ва ёş футболçилар менталитети ҳақида фикрлари билан бöлиşди.
«Натижа бўлмаса, ўзим кетаман» - Ислом Исмоилов «Нефтчи», футболдаги пуллар, Роналду ва Каннаваро ҳақида
Шунингдек, у Криштиану Роналду билан нега суратга тушмагани, Фабио Каннаваро фаолиятига муносабати, хорижда ишлаш режалари ва ҳаётидаги энг оғир йўқотиш ҳақида ҳам сўзлаб берди.
Исломбек Исмоилов 33 ёшида мамлакатнинг амалдаги чемпиони «Нефтчи» устозига айланган. Бу тайинлов кўпчиликда бир қатор саволларни туғдирганди: у клубдаги катта номга эга футболчилар билан тил топиша оладими? Жамоанинг ўйин услубини ўзгартира оладими?
### 33 ёшида «Нефтчи»га бош мураббий бўлгани ҳақида
Клубга келаётганимда қўрқув йўқ эди. Агар қўрққанимда, бу йўлга кирмаган бўлардим. Тўғри, бироз иккиланиш бўлган. Чунки ёшлар терма жамоасидан тўғридан тўғри катта мақсадлари бор клубга ўтдим.
Лекин доим ўзимга ишонганман. Атрофимдаги инсонлар тўғри маслаҳат беришган. Фарғона вилояти ҳокими [Хайрулло Бозоров] ҳам суҳбатларимиз давомида қўллаб-қувватлашини билдирган, менга катта ишонч билдирган. Бу ҳам қўшимча куч берган.
### Водий клубларидан нега айнан «Нефтчи»ни танлагани ҳақида
Бу ёшимда учта катта мақсадли клубнинг («Нефтчи», «Навбаҳор», «Андижон») таклиф билдириши мен учун жуда қувонарли ҳолат бўлган. Уларнинг барчасидан миннатдорман.
«Нефтчи»ни танлашимнинг асосий сабаби — ўзим фарғоналикман. Ёшлигимиздан шу жамоага мухлислик қилганмиз. Отам «Нефтчи»да ўйнаган, шу ерда ишлаган. Оиламиз ҳаёти ҳам маълум маънода шу клуб билан боғлиқ бўлган.
Бу бошқа жамоаларга ҳурмацизлик эмас. Мен ўзим туғилиб ўсган жойни, «Нефтчи»ни яхши кўраман. Бошқа жамоани танлашим ўзимга нисбатан адолацизлик бўларди.
### Клубда қандай қабул қилишгани ҳақида
Албатта, бу футболчилар ёшлар терма жамоасидагилардан фарқ қилади. Ўзбекистоннинг энг етук, ўз номига эга, хорижда ва юқори даражадаги жамоаларда ўйнаган футболчилари бор.
Уларнинг ҳолатини ҳам тушунганман. Улар учун ҳам бу осон вазият бўлмаган. Лекин мен ўз билимим, меҳнатим ва ҳаракатим билан уларнинг кўнглига йўл топа олишимга ишонганман.
Бошида осон бўлмади. Кейинчалик футболчилар нима хоҳлаётганимни тушуна бошлашди. Муносабатларимиз яхшиланди. Мана, тўққиз-ўн ой бўлаётган бўлса, бирорта футболчи билан жиддий конфликт юз бермади.