Роналду “Ан-Насср”ни тарк этиши мумкин — ОАВ
Роналду “Ан-Насср”ни тарк этиши мумкин — ОАВ
Португалиялик ҳужумчи Криштиану Роналду қишки трансферлар ойнаси пайтида Саудия Арабистонининг “Ан-Насср” клубидан кетиши эҳтимоли бор.
“Роналду ҳозирда ъАн-Нассръда ҳеч қандай муҳим рол ўйнамаяпти. Қишки трансферлар вақтида худди Карим Бензема билан бўлгани каби у ҳам жамоани тарк этишини истисно қилмайман, аммо бу жараён фақат унинг хоҳиши билан амалга ошади. Криштиану ўз имкониятларини сарфлаб бўлган футболчига айланди ва ъАн-Нассръга энди ҳеч нарса бера олмайди. Шу сабабли у кетиши керак”, дейди ал-Сарамин.
Ҳужумчи 2025-йилда клуб билан 2026/27-йилги мавсум охиригача амал қиладиган янги шартнома имзолаган бўлса-да, у қишда жамоани эркин агент сифатида тарк этиш йўлларини изламоқда.
Футболчининг жамоадан кетиши ҳақидаги гап-сўзлар “Ан-Насср” Элит Осиё Чемпионлар Лигаси доирасида БААнинг “Ал-Айн” клубига 0:4 ҳисобида оғир мағлуб бўлганидан кейин янада кучайди. Бу Роналду учун Яқин Шарққа кўчиб ўтганидан бери қабул қилиб олинган энг йирик мағлубият ҳисобланади. Умуман олганда, Ар-Риёд клуби барча мусобақалар доирасидаги сўнгги тўртта ўйиннинг фақат биттасида ғалаба қозонган.
Аслида футболчи ва клуб ўртасидаги тушунмовчиликлар ёзда бошланган эди. Ўтган мавсумда сермаҳсул ўйин кўрсатиб, чемпионатда 28 та гол урган Роналду ёзги трансферлар вақтида жамоа таркиби етарли даражада кучайтирилмаганидан норози бўлган. Молиявий қийинчиликларни сабаб қилиб кўрсатган клуб эса фақат битта харидни амалга оширди — Саму Кошта.
Маълумот учун, 2022-йил декабридан буён “Ан-Насср” сафида ўйнаб келаётган Роналду бунгача “Спортинг”, “Манчестер Юнайтед”, “Реал” ва “Ювентус” клубларида тўп сурган, шунингдек, терма жамоаси билан Европа чемпионати ва Миллатлар Лигаси ғолибига айланган.