МИБ йил бошидан бери 3 триллион сўм алимент ундирди
Қайд этилишича, МИБ ўтган даврда жами 54,8 триллион сўмлик маблағ ундирилди. Бу ўтган йилнинг мос
МИБ йил бошидан бери 3 триллион сўм алимент ундирган
ОАВ учун контент тайёрлаш марказида Бош прокуратура ҳузуридаги Мажбурий ижро бюроси Ахборот хизмати раҳбари Фаррух Тошпўлатов иштирокида ўтказилган брифингда жорий йил давомида ижро ҳужжатлари бўйича бажарилган ишлар натижалари эълон қилинди.
Маълум қилинишича, ўтган даврда жами 54,8 триллион сўмлик маблағ ундирилди. Бу кўрсаткич ўтган йилнинг шу даврига нисбатан 14,4 триллион сўмга юқори. Шундан 36,7 триллион сўми давлатга, 16,5 триллион сўми тадбиркорлик ва бошқа субьектларга, 1,6 триллион сўмдан ортиғи эса фуқаролар манфаатлари учун йўналтирилди. Давлатнинг мажбурлов механизмларидан фойдаланмасдан 2,2 триллион сўмлик ҳужжатлар ижроси ҳам таъминланди.
Ижтимоий йўналишда 3 триллион сўм алимент маблағи ундирилди. “Алимент тўловлари” жамғармаси ҳисобидан 565 нафар фуқарога 30,5 миллиард сўм тўлаб берилди. Манзилли ишлар натижасида 21 мингдан ортиқ фуқаро ишга жойлаштирилди, 11,2 мингдан ортиқ оила яраштирилди.
Шунингдек, ноқонуний ишдан бўшатилган 508 нафар фуқаро ишга тикланиб, улар фойдасига 21,6 миллиард сўм иш ҳақи ундирилди. “Дафтарлар” билан боғлиқ жамғармаларга 1,3 триллион сўм йўналтирилди — бу ўтган йилнинг мос даврига нисбатан 222 миллиард сўм кўп.