Мерседес-АМГ трек учун мўлжалланган СЛЕ 646 моделини тақдим этди

Мерседес-АМГ трек учун мўлжалланган СЛЕ 646 моделини тақдим этди

Мерседес-АМГ қуввати 646 от кучига тенг бўлган экстремал СЛЕ 646 Спезиаланфертигунг купесини намойиш қилди. Модел атиги 30 нусхада ишлаб чиқарилмоқда, қолаверса, барча автомобиллар аллақачон олдиндан сотилган.

Янги модел Мерседес-Бенз Мйтҳос эксклюзив сериясининг иккинчи автомобили бўлди. Биринчиси Мерседес-АМГ ПуреСпеед — томи ва олд ойнаси бўлмаган очиқ икки ўриндиқли автомобил бўлиб, у 250 нусхада ишлаб чиқарилган эди.

Муҳандислар иккита турбокомпрессор ва ясси тирсакли валга эга 4 литрли бензинли В8 двигателини ўрнатишган. Двигател 646 от кучи ва 850 Н·м қувват беради ҳамда тўққиз поғонали АМГ СпеедШифт ТСТ 9Г узатмалар қутиси билан биргаликда ишлайди.

Купе 100 км/соат тезликка 3,9 секундда, 200 км/соатга эса 11,4 секундда эришади. Максимал тезлик 310 км/соатни ташкил этади, трек режимида 300 км/соатгача тезланиш учун эса 36,8 секунд керак бўлади.

Олд ва орқа ғилдираклар изининг кенглиги 60 мм га оширилган, кузовнинг ўзи эса кучайтирилган конструксияга эга бўлди. Кузов элементлари асосан углерод толасидан ясалган: қанот кенгайтиргичлари, капот, том, остоналар, шунингдек, созланувчи орқа антикрило ҳам шу материалдан ишланган.

Енгиллаштирилган материаллардан кенг фойдаланиш ҳисобига автомобил вазни тахминан 170 кг га камайтирилди. Натижада унинг вазни 1895 кг ни ташкил этади.

Купе олд томонда 420×40 мм ва орқада 360×32 мм ўлчамдаги дискли керамик тормозлар билан жиҳозланди.

Аеродинамикага алоҳида эътибор қаратилди. Олд диффузорни қўлда йўл ва трек режимлари ўртасида ўзгартириш мумкин, орқа антикрило ҳам созланади. Олд қанотларда ғилдирак аркаларидан ҳавони чиқариб юбориш учун махсус жалюзилар пайдо бўлди, фаралар ёнидаги каналлар эса ҳаво оқимини шу тешикларга йўналтиради.