Ланд Ровер 626 от кучига эга Дефендер Дакаръни намойиш этди

Ланд Ровер 626 от кучига эга Дефендер Дакар моделини тақдим этди.

АҚШнинг Калифорния штатидаги Монтерей шаҳрида бўлиб ўтган автомобил ҳафталиги доирасида Ланд Ровер 2026-йилги "Дакар" раллисида ғолиб чиққан Д7Х-Р пойга машинасининг умумий йўлларга мўлжалланган версияси – янги Дефендер Дакар моделини намойиш этди.

Ушбу модел бренднинг моделлар қаторидаги энг экстремал ва қудратли Дефендер бўлиб, унда пойга автомобилига хос бир қатор ечимлар қўлланилган.

Автомобил капоти остига 626 от кучи ва 750 Нм айланма моментга эга 4,4 литрли, қўш турбокомпрессорли В8 бензин двигатели ўрнатилган. Қуввати бўйича у ҳатто пойгачи Д7Х-Ръдан ҳам устун туради, бироқ ундан фарқли ўлароқ, Дефендер Дакар умумий фойдаланишдаги йўлларда ҳаракатланиш учун мўлжалланган.

Асосий ўзгаришлар шассига киритилди. "Пневмоподвеска" ўрнига бу ерга йўлтанламасда тез юришга мослаштирилган Билстеин пружиналари ва амортизаторлари ўрнатилган, 35 дюймли йўлтанламас шиналари эса 20 дюймли зарбланган дискларга ўрнатилган.

Автомобилга ралли учун мўлжалланган Дефендеръдан қум ва шағалда ҳаракатланиш учун махсус режимлар ҳамда ғайриоддий "парвоз режими" ўтган. Бу режим сакрашдан сўнг, ерга тушиш пайтида "подвеска"нинг ишлашини махсус созлаб, ҳайдовчига қарийб уч тонналик йўлтанламасни ҳақиқий парвозга "йўналтириш" имконини беради.

Ташқи кўриниши ҳам пойга автомобилини имкон қадар ёдга солади: карбон капот, қўшимча ҳаво ютгичлар, томдаги фонарлар ва Дакарънинг ўзига хос ранглари. Салонга спорт ўриндиқлари, тўрт нуқтали хавфсизлик камарлари ўрнатилган ва 2+2 ўриндиқлар схемаси қўлланилган.

Ҳозирча Ланд Ровер фақат эҳтимолий харидорлардан буюртмалар қабул қилмоқда. Нархлар, аниқ адади ва тўлиқ техник тавсифлари 2027-йил январ ойида "Дакар" раллиси пайтида эълон қилинади, шундан сўнг расмий буюртмалар очилади.