Феррари учта электр моторли СЗ26 суперкарини тақдим этди
Феррари ўзининг Спесиал Прожесц дастури доирасидаги янги автомобил - ноёб СЗ26ъни тақдим қилди. Суперкар америкалик мижознинг индивидуал буюртмаси бўйича СФ90 негизида яратилган ва бутунлай янгидан ишланган кузовга эга бўлди.
**Феррари учта электр моторли СЗ26 суперкарини тақдим этди**
Феррари ўзининг эксклюзив Спесиал Прожесц дастури доирасида америкалик мижознинг шахсий буюртмасига биноан навбатдаги ноёб автомобилни яратди.
Ушбу янги модел СЗ26 деб номланди. Бу номдаги "26" рақами ушбу лойиҳа доирасида ишлаб чиқарилган 26-автомобил эканлигини англатади.
СЗ26 нинг асоси Феррари СФ90 моделидан олинган бўлса-да, асл моделнинг таниш кузов элементларидан деярли ҳеч нарса қолмаган. Олд қисми баландроқ ва бурчаклироқ кўринишга эга бўлган, кузов чизиқлари эса янада аниқ ва геометрик шакл олган. Оддий СФ90 фаралари ўрнини олд панжаранинг бутун эни бўйлаб жойлашган ингичка ёруғлик элементлари эгаллаган.
Дизайнерлар автомобилнинг орқа қисмини ҳам бутунлай қайта ишлаган. Тор чироқлар ўрнига йирик квадрат шаклидаги блоклар ўрнатилган, марказдаги қўшалоқ тутун чиқариш қувурлари эса сақлаб қолинган. Бампернинг ўзига хос В шакли йўқолиб, унинг ўрнида янги диффузорли, янада горизонтал пастки қисм пайдо бўлган.
Феррари вакилларининг таъкидлашича, СЗ26 ни яратишда 1970-йиллардаги Италия саноат дизайнидан илҳомланилган. Шу билан бирга, автомобил ретро услубдан кўра кўпроқ футуристик кўринишга эга бўлган ва унинг баъзи ечимлари ҳақиқатан ҳам замонавий консепт-карларни эслатади.
СФ90 нинг техник жиҳозлари деярли ўзгаришсиз қолган. Карбон кузов остида иккита турбокомпрессорли 4,0 литрли В8 двигатели ва учта электр мотор ишлайди, уларнинг умумий қуввати 986 от кучини ташкил этади. СЗ26 жойидан 100 км/соат тезликка 2,5 сонияда эришади, максимал тезлиги эса соатига 328 км га тенг.
Салон ҳам СФ90 архитектурасини сақлаб қолган, аммо янги мато ва карбон элементлар билан бойитилган. Шу билан бирга, кузовдаги ўзгаришлар жиддий муҳандислик ишларини талаб қилди: Феррари совутиш тизими, автомобил туби, уюрма генераторлари, олд ҳаво пардалари, орқа спойлер ва диффузорни қайта ишлаб чиқди.
Феррари СЗ26 нинг нархини ошкор қилмаяпти. Спесиал Прожесц автомобилларини яратишга тахминан икки йил вақт кетади ва бу жараёнда буюртмачи барча босқичларда бевосита иштирок этади. Шу сабабли, бундай индивидуал Феррари нинг нархи миллионлаб долларга етиши мумкин.