“Мамлакатингизга равнақ, фаровонлик, Ўзбекистон халқига бахт-саодат, тинчлик ва осойишталик тилайман” — Си Сзинпин
Си Сзинпин: "Мамлакатингизга равнақ, фаровонлик, Ўзбекистон халқига бахт-саодат, тинчлик ва осойишталик тилайман"
Хитой Халқ Республикаси раиси Си Сзинпин Ўзбекистон Республикаси мустақиллигининг 35 йиллиги муносабати билан Президент Шавкат Мирзиёев ва бутун Ўзбекистон халқига табрик мактуби йўллади. Бу ҳақда Президент матбуот хизмати 31-август куни маълум қилди.
Мактубда таъкидланишича, ўтган 35 йил мобайнида Ўзбекистон сезиларли ютуқларга эришганидан Хитой томони чин дилдан хурсанд. Си Сзинпин икки давлат ўртасидаги алоқаларни "ҳар қандай шароитдаги ҳар томонлама стратегик шериклик" деб баҳолади.
"Ўтган йили биз сиз билан икки маротаба учрашиб, Хитой-Ўзбекистон муносабатларини ривожлантириш бўйича янги йўналишларни белгилаб олдик. Мен давлатларимиз ўртасидаги муносабатларга алоҳида эътибор қаратаман ва икки мамлакат халқларининг фаровонлиги йўлида Хитой-Ўзбекистон умумий тақдир ҳамжамиятини барпо этишни илгари суриш борасида сиз билан биргаликда саъй-ҳаракат қилишга тайёрман. Мамлакатингизга равнақ ва фаровонлик, Ўзбекистон халқига эса бахт-саодат, тинчлик ва осойишталик тилайман", — дейилади Си Сзинпиннинг табрик мактубида.
Аввалроқ, ушбу байрам муносабати билан Россия Федерацияси Президенти Владимир Путин ва Америка Қўшма Штатлари Президенти Доналд Трамп томонидан юборилган табриклар ҳам эълон қилинган эди.