Луис Энрике “Барселона” футболчисини “ПСЖ”га олиб келмоқчи — Эл Насионал
Луис Энрике “Барселона” футболчисини “ПСЖ”га олиб келмоқчи — Эл Насионал
“ПСЖ” бош мураббийи Луис Энрике “Барселона” ҳимоячиси Алехандро Балдени ўз жамоасига қўшишни хоҳламоқда. Испаниялик мутахассис клуб раҳбариятидан ушбу трансферни амалга ошириш имкониятларини ўрганиб чиқишни сўраган. Бу ҳақда Эл Насионал нашри хабар берди.
Ҳанси Флик жамоага келганидан сўнг, Балде “Барселона”нинг асосий таркибидаги ўрнини йўқотди. Шу сабабли, унинг январ ойида жамоани тарк этиш эҳтимоли ошган. Энрике футболчининг салоҳиятини яхши билади ва у “ПСЖ” ҳимоясини кучайтиришига ишонмоқда.
Ҳозирда “ПСЖ”нинг асосий чап қанот ҳимоячиси Нуну Мендеш ҳисобланади. Бироқ мураббий бу позицияда рақобатни кучайтириш ва ротация қилиш учун яна бир кучли футболчига эҳтиёж сезмоқда. Манбага кўра, “ПСЖ” Балде учун 40 миллион евро таклиф қилиши мумкин. Агар футболчининг ўзи ҳам кетишга рози бўлса, бу сумма каталонияликлар спорт директори Декуни келишувга кўндириши аниқ.
Аслида 22 ёшли ҳимоячи жамоада қолиб, фаолиятини “Барселона”да давом эттирмоқчи эди. Аммо захирада қолиб кетаётгани унинг қарорини ўзгартириши мумкин. Ҳозирча якуний қарор қабул қилинмаган, бироқ қишки трансфер ойнасида Балденинг “ПСЖ”га ўтиш эҳтимоли анча юқори.
Маълумот учун, Алехандро Балде “Барселона” тарбияланувчиси бўлиб, клуб сафида бир қатор совринларни қўлга киритган. Ҳимоячи уч марта Испания чемпиони, бир марта мамлакат Кубоги ва уч бор Суперкубок соҳибига айланган.