Ливанда Башар Асаднинг қариндоши қурол ва гиёҳванд моддалар билан ушланди

Ливанда Башар Асаднинг қариндоши қурол ва гиёҳванд моддалар билан қўлга олинди

Ливан расмийлари мамлакат шимолида Суриянинг собиқ президенти Башар Асаднинг қариндоши ҳамда таниқли гиёҳванд моддалар савдогарининг ўғли ушланганини маълум қилди. Улар қурол ва гиёҳванд моддалар сақлашда айбланмоқда.

ОАВга маълумот бериш ваколатига эга бўлмагани сабабли исми ошкор этилмаган икки суд расмийсининг айтишича, Сулаймон Асад ва Али Зайтар 11-сентябр куни Баалбек шаҳри яқинида ушланган. Али Зайтар 2025-йилда ҳибсга олинган гиёҳванд моддалар савдогари Нуҳ Зайтарнинг ўғлидир. Сулаймон Асад эса собиқ президентнинг амакиваччаси Ҳилол Асаднинг ўғли ҳисобланади.

2024-йил декабр ойида исёнчилар ҳокимиятни эгаллаши билан Асадлар оиласининг эллик йиллик бошқаруви якунига етган. Шундан кейин бир қатор суриялик мулозимлар ва Асаднинг қариндошлари бошқа давлатларга, жумладан, Ливанга қочиб ўтган. Башар Асад ва унинг укаси Маҳер Асад ҳозир Россияда яшамоқда.

Ливан армияси ўз баёнотида уч кишини, жумладан, Ливанда қонуний яшаётганини тасдиқловчи ҳужжатлари бўлмаган бир Сурия фуқаросини қўлга олганини билдирди.

Армия маълумотига кўра, уларнинг ёнидан қурол ҳамда гашиш топилган. Гашиш — Ливан шимолида кенг етиштириладиган наша ўсимлигидан тайёрланадиган гиёҳванд моддадир. Армия уларнинг исмини ошкор этмади, бироқ исм ва фамилия бош ҳарфлари Асад ва Зайтарга мос келган. Армия расмийлари ушланганлар суд расмийлари назорати остида сўроқ қилинганини қўшимча қилди.

У Башар Асаднинг амакиваччаси ҳисобланади. 46 ёшли Васим Асад қарийб 14 йиллик фуқаролар уруши даврида содир этилган ваҳшийликларда айбдор деб топилган.