Лего “Юлдузлар жанги” туркумидаги энг узун кема тўпламини тақдим этди (фото)

Лего компанияси “Юлдузлар жанги” туркумидаги энг узун кема моделини тақдим этди. Ушбу янги конструктор тўплами “Юлдузлар жанги 5: Империя жавоб зарбаси беради” филмидаги Дарт Вейдернинг машҳур кемасини акс эттиради.

Янги тўплам 6 130 та деталдан иборат бўлиб, йиғилган ҳолатда унинг узунлиги 136 сантиметрга етади. Гарчи бу ўлчамлар таъсирчан бўлса-да, модел Лего компанияси тарихидаги энг катта конструктор эмас. Умумий ўлчамлари бўйича у “Титаник” каби моделлардан кейин 14-ўринни эгаллайди. Бироқ, бу тўплам ҳозирда “Юлдузлар жанги” сериясидаги энг узун кема моделига айланди.

Бузғунчи кема модели махсус ингичка асос устида йиғилади ва унга ташқи қопламали панеллар мустаҳкамланади. Тўплам таркибига асосий кемадан ташқари, унга ҳамроҳлик қилувчи кичик кема ҳам киритилган. Мутахассислар асосий флагман кемасининг улканлигини яққол кўрсатиш учун ҳамроҳ кемани атайин ўта кичик ўлчамда ишлаганлар.

Тўплам таркибидан Дарт Вейдер, Боба Фетт, Денгар, Босск, ИГ-88, 4-ЛОМ ва Зуккус каби жами еттита қаҳрамоннинг фигурачалари жой олган. Филм сюжетидаги олтита бош овчиларининг барчаси илк маротаба битта тўпламда жамланди. Ушбу қаҳрамонларни махсус тагликка жойлаштириш орқали филмдаги афсонавий учрашув саҳнасини қайта тиклаш мумкин.

Лего Стар Варс Эхесутор Супер Стар Дестроер (75457) деб номланган ушбу тўплам жорий йилнинг 4-октабр кунидан бошлаб расман сотувга чиқарилади. Конструкторнинг чакана савдодаги нархи 800 долларни ташкил этади.