100 дан ортиқ қават ва 557 метр: Дубай янги рекордга тайёрланмоқда
Дубайда дунёдаги энг баланд турар жой биноси бўлишга даъвогар Бурж Бингҳатти Жасоб & Со Ресиденсес осмонўпари қурилиши давом этмоқда. Баландлиги 557 метр бўлиши режалаштирилган, 100 дан ортиқ қаватли бино битгач, Ню-Ёркдаги 472 метрлик Сентрал Парк Товер рекордини янгилаши кутилмоқда. Қурилиш майдонидан янги суратлар ҳам эълон қилинди.
Дубай 100 қаватдан ошиқ ва 557 метр баландликдаги янги рекордга тайёрланмоқда.
Дубайнинг Бусинесс Бай ҳудудида улкан турар жой осмонўпари қад ростламоқда, у янги рекорд ўрнатиши кутилмоқда. "Бурж Бингҳатти Жасоб & Со Ресиденсес" деб номланган ушбу лойиҳа шаҳарнинг навбатдаги меъморий рамзларидан бирига айланиши режалаштирилган.
Лойиҳа бўйича, осмонўпарнинг баландлиги 557 метрга етади ва у 100 дан ортиқ қаватдан иборат бўлади.
Бино қуриб битказилгач, ҳозирги энг баланд турар жой осмонўпарларидан бири бўлган Ню-Ёркдаги 472 метр баландликдаги Сентрал Парк Товер'дан баландроқ бўлади.
Шу тариқа, Дубайдаги ушбу янги мажмуа дунёдаги энг баланд турар жой осмонўпари мақомига даъвогарлик қилади.
Лойиҳа Дубайнинг Бингҳатти Девелоперс компанияси ҳамда Ню-Ёркда жойлашган заргарлик ва соат бренди Жасоб & Со. ҳамкорлигида амалга оширилмоқда.
**Дизайни қимматбаҳо тошлардан илҳомланган**
"Бурж Бингҳатти Жасоб & Со Ресиденсес" фақат баландлиги билан эмас, балки ташқи кўриниши билан ҳам ажралиб туриши режалаштирилган.
Осмонўпар силуетини яратишда Жасоб & Со. соатларидаги мураккаб механизмлар ва заргарлик буюмларининг дизайн элементларидан илҳом олинган.
Бинонинг юқори қисми ромб шаклидаги шпиллар билан безатилади. Лойиҳа муаллифларининг ғоясига кўра, улар Дубай осмони фонида қирраланган қимматбаҳо тошларни эслатиши керак.
Шу тариқа, лойиҳада замонавий архитектура билан заргарлик дизайнини бирлаштиришга ҳаракат қилинган.
**Қурилишни келаси йили якунлаш режалаштирилган**
Янги эълон қилинган суратларда осмонўпар қурилиши қандай давом этаётганини кўриш мумкин. Манбада келтирилишича, бинода қурилиш ишларини келаси йили якунлаш режалаштирилган.