Кимё бўйича Нобель мукофоти органик синтез соҳасидаги кашфиёт учун топширилди
Химия бўйича 2026 йилги Нобель мукофоти «асимметрик органик синтезда ночизиқли эффектлар ва автокатализни кашф этганликлари учун» франциялик ва япониялик олимлар Анри Каган ҳамда Кенсо Соаига берилди.
Кимё бўйича Нобель мукофоти органик синтез соҳасидаги кашфиёт учун топширилди
2026 йилги кимё бўйича Нобель мукофоти лауреатлари Анри Каган (Париж-Жануб университети, Франция) ва Кенсо Соаи (Токио фан университети, Япония) бўлди. Мукофот «асимметрик органик синтезда ночизиқли эффектлар ва автокатализни кашф этганликлари учун» берилди, дейилади Нобель қўмитаси сайтида.
«Анри Каган ва Кенсо Соаи бир асрдан кўпроқ вақт давомида мавжуд бўлган кимёвий жумбоққа ечим топишди: гомохираллик қандай қилиб ўз-ўзидан пайдо бўлиши мумкин. Улар томонидан ишлаб чиқилган кимёвий реакциялар ҳайратланарлидир», — деди кимё бўйича Нобель қўмитаси раиси Хайнер Линке.
Қўмита, шунингдек, олимларнинг кашфиёти «фармацевтика препаратларини ишлаб чиқариш учун реакцияларни ишлаб чиқаётган кимёгарлар учун ҳал қилувчи рол ўйнаганини» таъкидлади.