«Келажак муҳандислари»: назариядан ишлаб чиқаришгача
Ўзбекистон Республикаси Олий таълим, фан ва инновациялар вазирлиги ташаббуси билан ташкил этилган «Келажак муҳандислари» республика танловида ишлаб чиқаришга замонавий технологияларни жорий этиш ва амалий вазифаларни ҳал этишга қаратилган истиқболли муҳандислик, илмий-техник ва инновацион ишланмалар тақдим этилди. Танловнинг якуний босқичида Олмалиқ давлат техника институти вакиллари ҳам иштирок этиб, унинг олим ва тадқиқотчилари бир қатор совринли ўринларни қўлга киритдилар, […]
«Келажак муҳандислари»: назариядан ишлаб чиқаришгача
Ўзбекистон Республикаси Олий таълим, фан ва инновациялар вазирлиги ташаббуси билан ташкил этилган «Келажак муҳандислари» республика танловида амалий вазифаларни ҳал этиш ва ишлаб чиқаришга замонавий технологияларни жорий этишга қаратилган истиқболли муҳандислик, илмий-техник ва инновацион ишланмалар тақдим этилди.
Танловнинг якуний босқичида Олмалиқ давлат техника институти вакиллари ҳам иштирок этиб, унинг олим ва тадқиқотчилари Давлат раҳбари томонидан бир қатор совринли ўринлар ва мукофотларга сазовор бўлишди.
Профессор-ўқитувчилар таркиби ўртасида «Энг яхши ихтиро» номинациясида биринчи ўринни пўлат қуйиш шлакларидан марганец ва темирни ажратиб олиш бўйича ишланма эгаллади. Таъкидлаш жоизки, ушбу инновация бир қатор маҳаллий ва хорижий корхоналар, хусусан, Туркиянинг «DEMIR GROUP» компанияси ишлаб чиқариш циклига аллақачон жорий этилган.
Сунъий интеллектдан фойдаланган ҳолда марганецни селектив ажратиб олишнинг гидрометаллургик жараёнларини оптималлаштиришга бағишланган яна бир ишланма ҳам юқори баҳоланди.
Олий таълим муассасаси вакилларининг ишланмаси амалиётчи муҳандислар ўртасида «Энг яхши ихтиро» номинациясида учинчи ўринни ҳам қўлга киритди.
Эътироф этилган ишлар қаторида замонавий технологияларни қўллаган ҳолда болғали майдалагичларнинг эксплуатацион ресурсини ошириш ва қайта тиклаш технологияси ҳам бор.
Тақдим этилган лойиҳалар металлургия чиқиндиларини қайта ишлаш, ишлаб чиқариш жараёнларида сунъий интеллектни қўллаш ва саноат ускуналарини такомиллаштиришни қамраб олиб, республика замонавий муҳандислик ишланмаларининг амалий йўналишини намойиш этади.