Кавалерия, дронлар ва махсус техника. Тошкент марказида куч тузилмаларининг кўргазмали чиқишлари бўлиб ўтади
Кавалерия, дронлар ва махсус техника. Тошкент марказида куч тузилмаларининг кўргазмали чиқишлари бўлиб ўтади
25 октябрь куни Тошкентдаги Амир Темур хиёбонида отлиқ бўлинмалар, дронлар ва махсус техника иштирокида куч тузилмаларининг кўргазмали чиқишлари бўлиб ўтади.
Тадбир 25 октябрь куни соат 17:00 да Амир Темур хиёбонида бошланади ва Ўзбекистон ички ишлар органлари ташкил этилганининг 35 йиллигига, шунингдек, соҳа ходимларининг касб байрамига бағишланади.
Меҳмонлар ҳуқуқ-тартибот органлари ходимлари ва кавалериянинг кўргазмали чиқишларини, шунингдек, замонавий махсус техника ва хизмат автомобилларини кўришлари мумкин бўлади. Намойишда дронлар ҳам қўлланилади.
Ташкилотчиларнинг таъкидлашича, тадбир Ўзбекистон ички ишлар органларининг 35 йиллик тарихи ҳақида ҳикоя қилади ва идоранинг бугунги кунда қандай ишлаётганини кўрсатади. Асосий мақсад — фуқаролар хавфсизлигини таъминлайдиган ва мамлакатда тартибни сақлайдиган ходимлар меҳнатини намойиш этишдан иборат.
Тошкент аҳолиси ва меҳмонлари тадбирга ташриф буюришга ва ИИО замонавий бўлинмаларининг имкониятлари билан танишишга таклиф этилади.