Жаҳон матбуоти шарҳи
Реутерс ва Финансиал Тимес нашрлари материаллари асосида Хитой технология компанияларининг Нвидиа чипларига йирик буюртмалари, сунъий интеллект соҳасида ҳисоблаш қувватларига талабнинг ортиши ҳамда етакчи нефт-газ компанияларининг молиявий натижалари ва фойда ўсишига оид маълумотлар тайёрланди.
Жаҳон матбуоти шарҳи
Хитой технология компаниялари Нвидиа чипларига 35 млрд долларлик буюртма берди ()
Хитойнинг БйтеДансе, Алибаба ва Тенсент компаниялари Нвидиаъдан жами қиймати 35 млрд доллардан ортиқ бўлган 3 млн донадан зиёд РТХ ПРО 5500 видеокартасига буюртма берди. Ҳар бир видеокартанинг нархи 11,4 минг доллар атрофида баҳоланмоқда.
РТХ ПРО 5500 видеокарталари Нвидиаънинг сунъий интеллект учун ишлаб чиқарилган илғор процессорларига қараганда камроқ қувватга эга, бироқ АҚШ экспорт чекловларига тушмайди ва Хитойга сотилиши мумкин.
Хитой компанияларининг умумий буюртмалари 6 млн донадан ошган.
Юқори талаб сабабли Нвидиа етказиб беришда қийинчиликлар юзага келиши мумкинлигини билдирди. Бу Хитойда сунъий интеллектни ривожлантириш учун ҳисоблаш қувватларига талаб юқорилигини кўрсатади.
Нвидиа 2027 йилда жаҳон бозори учун кўпи билан 3 млн дона шундай видеокарта ишлаб чиқариши мумкин. Дастлабки етказиб беришлар 2027 йилнинг И чорагида бошланиши кутилмоқда.
Йирик нефт компаниялари ИИИ чорак якунлари бўйича фойданинг сезиларли ўсишини кутмоқда ()
Британиянинг ЛСЕГ молиявий ахборот гуруҳи баҳолашича, БП (Бритиш Петролеум) компаниясининг соф фойдаси 2026 йилнинг ИИИ чорагида 155 фоизга ошиши кутилмоқда. Шелл нефтни қайта ишлашдан олинадиган маржа бир баррел учун рекорд даражадаги 42 долларга етишини, ТоталЕнергиес эса нефтни қайта ишлаш ва нефт-кимё фаолиятидан пул оқими икки баравар ошиб, 4 млрд долларга етишини прогноз қилмоқда. ЭххонМобил ушбу соҳадаги фойда аввалги чоракка нисбатан 4,5 млрд долларга кўпайиши мумкинлигини билдирган.
Умуман, БП, Шелл ва ТоталЕнергиес нефтни қайта ишлаш маржаси ўтган йилга нисбатан 3–4 баравар ошишини кутмоқда. Бунга энергия ресурслари нархининг кўтарилиши ва Ҳўрмуз бўғози орқали етказиб беришдаги узилишлар таъсир кўрсатмоқда.
Финансиал Тимес маълумотларига кўра, бешта йирик нефт-газ компаниясининг (ЭххонМобил, Шелл, Чеврон, ТоталЕнергиес ва БП) жами фойдаси 2026 йилнинг биринчи ярмида 75 млрд доллардан ошиб, ўтган йилнинг мос даврига нисбатан 75 фоизга ўсган.
Компанияларнинг эркин пул оқими қарийб икки баравар кўпайган. Эрон билан можаро бошланганидан буён Европада газ нархи 155 фоизга, дизел ёқилғиси нархи эса икки бараварга ошган.